Rusiya ölümcül silahlarını Krımın şimalına çəkir

Peyk görüntüləri göstərir ki, Rusiya ordusunun zenit-raket qüvvələrini Krımın şimalına - Xerson vilayətinin yaxınlığında yerləşən Filatovka qəsəbəsinə cəmləşdirir.
Bu barədə "Sxems" məlumat yayıb.
"6 May Planet Labs" görüntülərində Filatovka qəsəbəsinin iki ərazisində Rusiya hərbi texnikasının artdığını görmək olar.
Bildirilir ki, bu ərazidə yanacaq-sürtkü anbarı yerləşir. Həmçinin görüntülərdə 200-ə yaxın zirehli döyüş maşını və komandanlıq maşınını görmək mümkündür. Mobil zenit və raket sistemləri ola bilən iri ölçülü avadanlıqlar da əks olunub.
"Görünüşünə görə demək olar ki, bu, zenit-raket komplekslərinin üç növündən biridir, yəni: "Smerç" reaktiv yaylım atəş sistemi, S-300 zenit sistemi və ya "İskəndər" əməliyyat-taktiki raket kompleksi" - "Sxems"in hərbi eksperti bildirib.
Qeyd olunur ki, bu cür texnika Ukrayna hərbçilərinin mövqelərini atəşə tutmaq üçün istifadə oluna bilər.
Filatovkanın ikinci hissəsində hərbi texnikanın miqdarı demək olar ki, dəyişməyib. Orada hərbi yük maşınları və müxtəlif növ zirehli döyüş maşınları qalır.
Nəşr qeyd edir ki, 2018-ci ildən Rusiya sərhədçilərinin kazarmaları Filatovka ərazisində yerləşir.

Telegramda izləyin