Uşaqların Beynəlxalq Müdafiəsi Gününün yaranma tarixi

Bildiyiniz kimi, 1 iyun, yəni sabah Uşaqların Beynəlxalq Müdafiəsi Günüdür.

Bəs bu günün yaranması haqqında nələri bilirik?

Sonxeber.az-ın məlumatına görə, uşaqlar bayramı kimi qeyd olunan bu tarix 1950-ci ildə keçirilən konfrans zamanı müəyyən olunub.

Belə ki, "Qadınların Beynəlxalq Konfransı"nda uşaq hüquqları barədə müzakirələr aparılıb və onların hüquqlarının qorunması üçün bir sıra təkliflər səsləndirilib. Elə həmin tədbirdə də BMT Baş Assambleyası tərəfindən 1 iyun tarixini uşaqların beynəlxalq müdafiəsinə həsr etmək qərarı verilib. Yəni Uşaqlar bayramı deyə adlandırdığımız Uşaqların Beynəlxalq Müdafiəsi Günü təkcə Azərbaycanda deyil, dünyanın əksər ölkələrində də qeyd olunur.

Onu da əlavə edək ki, bu bayramla yanaşı, BMT-nin Baş Assambleyası tərəfindən 20 noyabr tarixində də Ümumdünya Uşaqlar Günü qeyd olunur.

Lakin biz yalnız uşaqlar bayramında deyil, ilin hər günündə, təkcə bu bayramın qeyd olunduğu yerlərdə deyil, dünyanın hər yerində, təkcə pulu olanların övladı deyil, bütün uşaqların xoşbəxt olacağı bir dünya qurmağa çalışmalıyıq.

Aysel SƏFƏRZADƏ

Telegramda izləyin