"Ermənistanın məqsədi diqqəti Zəngəzurdan yayındırmaqdır" - Hərbi ekspert

Sentyabrın 4-dən 5-nə keçən gecə Ermənistan silahlı qüvvələrinin bölmələri dövlət sərhədinin Basarkeçər rayonunun Aşağı Şorca və Yuxarı Şorca yaşayış məntəqələri istiqamətində yerləşən mövqelərindən Kəlbəcər rayonunun Yellicə və Zivel yaşayış məntəqələri istiqamətində yerləşən Ordumuzun mövqelərini müxtəlif növ atıcı silahlardan intensiv atəşə tutub.
Bununla bağlı Sonxeber.az-a açıqlama verən hərbi ekspert Ramiz Şərifov bildirib ki, bunun arxasında rus sülhməramlıları durur:
"Ermənistanın məqsədi 10 noyabr sülh sazişini pozmaq, cəbhədə vəziyyəti gərginləşdirmək və diqqəti Zəngəzurdan yayındırmaqdır. Ordumuz bunun öhdəsindən gəlir. Nə qədər ki, erməni silahlı qüvvələrinin qalıqları Azərbaycandadır, mövqelərimizi atəşə tutmağa davam edəcəklər. Onları tam çıxarmaq üçün tədbir görülməlidir. Əks təqdirdə, tək Kəlbəcərdə yox, başqa yerlərdə də bu mütəmadi davam edəcək. Bu hücumların arxasında elə rus sülhməramlılar durur. Sülhməramlılar öz vəzifəsini yerinə yetirsə idilər, mövqelərimiz atəşə tutulmazdı".

Şəbnəm Lətifi

Telegramda izləyin