"Türkiyə ordusunun kiçik modelinin yaradılması məsələsi aktualdır"- Vüqar İsgəndərov

"Bu gün də Azərbaycan yeni müasir silahlar alır, hərbi gücünü, əsgər və zabit sayını artırır, sərhəddə vacib nöqtələrdə yeni komanda briqaları, yeni hərbi hissələr yaradır".
Bu sözləri Sonxeber.az- a açıqlamasında Milli Məclisin deputatı Vüqar İsgəndərov deyib.
O, həmçinin qeyd edib ki, Azərbaycan ordusunun güclənməsi ilə gələcəkdə baş verəcək hadisələrə daha çevik reaksiya verəcək:

"Azərbaycan Vətən müharibəsindən sonra bütün dünyaya ölkəmizin həm iqtisadi, həm hərbi gücünü göstərdi. Vətən müharibəsindən öncə də Azərbaycan dünyanın sayılıb seçilən ölkələr sırasında hərbi gücünə görə 50-ci yerdə dururdu. 300-ə yaxın dövlət içərisində Azərbaycan hərbi qüdrətini göstərmiş oldu. Müharibə dövründə də Azərbaycan əsgərinin döyüş qabiliyyəti, silahlardan düzgün istifadəsi, qəhrəmanlıq və şücaəti müasir Azəbaycan ordusunun simasıdır.

Cənab prezident post müharibə dövründə də bir neçə dəfə bununla bağlı danışıb. Prezident dəfələrlə söyləyib ki, Azərbaycan müharibə dövründən sonra da hərbi qüdrətini artırmaq yolunu tutub. Bu gün də Azərbaycan yeni müasir silahlar alır, hərbi gücünü, əsgər və zabit sayını artırır, sərhəddə vacib nöqtələrdə yeni komanda briqaları, yeni hərbi hissələr yaradır.
Hər biri gələcəyə hesablanan işlərdir. Azərbaycan ordusunun güclənməsi ilə gələcəkdə baş verəcək hadisələrə daha çevik reaksiya verəcək. Dinamik NATO standartlarına uyğun, yəni, Türkiyə ordusunun kiçik modelinin yaradılması məsələsi aktualdır. Biz uzun illərdir gördük ki, beynəlxalq hüquq yalnız sözdə oldu, əməldə onun prinsiplərini Ermənistan tapdaladı. Artıq anladıq ki , biz ordu gücümüzü, iqtisadi resurslarımızı artırmalıyıq. Həm iqtisadi, həm hərbi güc bugünki Azərbaycanın qələbəsini şərtləndirdi".

Şəbnəm Lətifi

Telegramda izləyin