Azərbaycanın rəşadətli Ordusu öz gücünü bir daha nümayiş etdirdi

Azərbaycanın rəşadətli Ordusu öz gücünü bir daha nümayiş etdirdi44 günlük Tarixi Zəfərimizdən ötən iki ilə yaxın dövrdə bölgədə baş verən hadisələrin gedişinə nəzər saldıqda Ermənistanın dəfələrlə atəşkəsi pozduğunu, bölgədə dayanıqlı sülhün və təhlükəsizliyin təmin olunması, Azərbaycan və Ermənistan arasında münasibətlərin normallaşdırılması istiqamətində Brüssel görüşlərinin keçirildiyi ərəfələrdə, yaxud başa çatdıqdan sonra təxribatlara daha çox can atırlar. Bu il avqustun 3-də Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Laçın rayonu istiqamətində yerləşən Azərbaycan Ordusunun bölmələrinin mövqelərinin intensiv atəşə tutulmasını və bu cinayətlər əsasında yaranan gərginliyi, Azərbaycan Ordusunun qanunsuz erməni dəstələrinə qarşı keçirdiyi "Qisas" əməliyyatı yaddaşımızdadır. Ölkəmizin ərazi bütövlüyünə, suverenliyə qarşı atılan hər bir addımın qarşısı qətiyyətlə alınır. Dövlət başçısı İlham Əliyev ən yüksək tribunalardan bəyan edir ki, "Dəmir yumruq" yerindədir. Ermənistanda revanşist qüvvələr baş qaldırarsa 44 günlük İkinci Qarabağ müharibəsində aldıqları dərsi unutmamalıdırlar.
"Qisas", daha sonra isə "Qətiyyətli cavab" əməliyyatları deyilənlərin təsdiqidir. Ermənistan və ona havadarlıq edən dövlətlər Azərbaycan Ordusunun gücünü, qüdrətini, hər zaman ərazi bütövlüyümüzün, suverenliyimizin qarantı kimi torpaqlarımızın müdafiəsinin keşiyində ayıq-sayıq dayandıqlarını nümayiş etdirdilər. Sentyabrın 12-dən 13-ə keçən gecə Ermənistan silahlı qüvvələrinin sərhəddə törətdikləri genişmiqyaslı təxribatlar bu gün dünya mətbuatında geniş yer alır. Ermənistan bir daha hansı məqsəd naminə çalışdığını nümayiş etdirdi. Həmin gecə və ondan sonrakı günlərdə törədilən təxribata Azərbaycanın cavabı Ermənistana növbəti mesaj və xəbərdarlıq xarakteri daşıyır. Ermənistan silahlı qüvvələrinin bölmələrinin D-30, D-20 topları və 82 millimetrlik minaatanlardan da istifadə etməklə Azərbaycan Ordusunun Kəlbəcər, Laçın və Daşkəsən rayonları istiqamətlərində yerləşən mövqelərini atəşə tutmaqda davam etmələri işğalçı dövlətin müharibə planlarının təqdimatıdır.
Ordumuzun cavab tədbirləri nəticəsində Ermənistan Silahlı Qüvvələrinin Laçın, Kəlbəcər və Zəngilan istiqamətində atəş açdığı bütün hərbi təyinatlı obyektlər və dayaq məntəqələri darmadağın edildi. Bu zaman Ermənistanın xeyli sayda hərbi texnikası, milyarddan artıq dəyəri olan iki S-300 kompleksinia atıcı qurğusu, radiolokasiya stansiyası, 400 nəfərdən çox canlı qüvvəsi, çoxlu sayda hərbi obyekti və onlarla döyüş məntəqəsi məhv edildi.
Hər zaman özlərinə haqq qazandırmağa çalışan Ermənistan rəhbərliyi, Ermənistan mətbuatı tərəfindən Azərbaycan Ordusunun guya mülki əhalini və infrastrukturu hədəfə alması barədə yaydığı məlumatlar qarşı tərəfin böhtan xarakterli növbəti yalanıdır, dezinformasiyasıdır. Bununla Ermənistan tərəfi törətdiyi genişmiqyaslı təxribati ört-basdır etməyə və beynəlxalq ictimaiyyətin diqqətini yayındırmağa çalışır. Azərbaycan Xarici İşlər Nazirliyinin bəyanatında bir daha qeyd olunur ki, baş vermiş təxribat, qarşıdurma və itkilərə görə bütün məsuliyyət Ermənistanın hərbi-siyasi rəhbərliyinin üzərinə düşür. Azərbaycanın ərazi bütövlüyünə və suverenliyinə qarşı hər bir addımın qarşısı qətiyyətlə alınacaq.
Dünya gücləri Ermənistan silahlı qüvvələrinin sərhəddə törətdikləri təxribatlardan narahatlıqlarını Prezident İlham Əliyevə telefon zənglərində ifadə ediblər. ABŞ, Fransa, Rusiya və bir sıra başqa dövlətlərin rəhbərləri ilə telefon danışıqlarında dövlət başçısı bu genişmiqyaslı təxribatlara görə məsuliyyətin bilavasitə Ermənistanın siyasi-hərbi rəhbərliyinin üzərinə düşdüyünü və Azərbaycan tərəfindən cavab tədbirlərinin görüldüyünü onların diqqətinə çatdırıb. Bildirilib ki, beynəlxalq hüququn norma və prinsiplərindən irəli gələn tələbləri pozan Ermənistandır. Son iki ilə yaxın dövr ərzində "Dəmir yumruğ"un verdiyi dərsləri unutmaq istəyən Ermənistan "Qisas" və "Qətiyyətli cavab" əməliyyatlarından növbəti mesajlarını aldı. Artıq işğalçı dövlət seçim qarşısındadır: ya ona verilən şansdan bəhrələnməli, ya da "Dəmir yumruğ"un davamlı dərslərini almalıdır.

Cavid Fərhadov – ehtiyatda olan polkovnik-leytenant,
Vətən müharibəsi qazisi


Sonxeber.az Telegramda izləyin instagramda izləyin
Müharibə   Baxılıb: 2328   Tarix: 15 sentyabr 2022  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

"Azərbaycan Bayrağı" ordenli şəhid Saleh Məcidzadənin qəhrəmanlıq hekayəsi - VİDEO

"Azərbaycan Bayrağı" ordenli şəhid Saleh Məcidzadənin qəhrəmanlıq hekayəsi barədə süjet hazırlanıb. Şəhidin atası Nəriman Məcidov Baku TV-yə açıqlamsında bildirib ki, S.Məcidzadə uşaqlıqda 20 yanvar, Xocalı hadisələri tez-tez xatırlayırdı: . "Hər dəfə mənimlə danışarkən gülə-gülə deyird

22 oktyabr 2023
.

"Mustafa Kamal Atatürk - 2023" birgə təliminin növbəti tapşırıqları məşq etdirilib - VİDEO

"Mustafa Kamal Atatürk - 2023" birgə taktiki təlimi ərəfəsində Azərbaycan Ordusunun və Türkiyə Silahlı Qüvvələrinin komando bölmələri xüsusi tapşırıqların icrasını məşq ediblər. Bu barədə Azərbaycan Müdafiə Nazirliyindən bildirilib. Plana uyğun olaraq əməliyyat rayonunun dərinliyinə sızan komandola

22 oktyabr 2023
.

Azərbaycan Ordusunun zabiti qətlə yetirildi - Saxlanılan var

Müdafiə Nazirliyinin "N" saylı hərbi hissəsinin hərbi qulluqçusu Amil Hümbət oğlu Abdullayevin ölüm faktı barədə Füzuli Hərbi Prokurorluğuna məlumat daxil olub. Bu barədə Hərbi Prokurorluq məlumat yayıb. Fakt üzrə Füzuli Hərbi Prokurorluğunda Azərbaycan Respublikası Cinayət Məcəlləsinin 120.1-c

27 yanvar
.

Müdafiə Nazirliyi təkzib verdi: Azərbaycan Ordusu Ermənistan mövqelərinə atəş açmayıb

"Azərbaycan Ordusunun bölmələri tərəfindən noyabrın 18-i saat 09:50 radələrində Ermənistan silahlı qüvvələrinin Dəvəli rayonu istiqamətində yerləşən mövqelərinə guya atəş açılması və nəticədə bir hərbi qulluqçunun yaralanması barədə bu ölkənin müdafiə nazirliyinin yaydığı məlumat tamamilə yalandır"

18 noyabr 2023
.

Qarabağdakı antiterror tədbirlərindən yeni görüntülər - VİDEO

Ötən il sentyabrın 19-20-də Qarabağda antiterror tədbirləri ilə bağlı yeni görüntülər üzə çıxıb. Görüntülərdə Azərbaycan hərbçilərinin təkcə cəsarəti və qəhrəmanlığı deyil, həm də peşəkarlıq və koordinasiyasının yüksək səviyyədə olması öz əksini tapıb. Bizim.Media-nın yaydığı görüntüləri təqdim edir

8 fevral
.

Azad edilmiş ərazilərdə xidməti-döyüş fəaliyyəti davam etdirilir - VİDEO

Azad edilmiş ərazilərdə Azərbaycan Ordusunun Mühəndis Qoşunları digər dövlət qurumları ilə qarşılıqlı əlaqədə çətin relyefli və dağlıq ərazilərdə xidmət aparan bölmələrimizin təminat yollarını qar örtüyündən təmizləyərək daim işlək vəziyyətdə saxlanılmasını təmin edirlər. Bu barədə Müdafiə Nazirliyində

14 yanvar
.

Peskov: "Rusiyaya diversantların hücumları dəf edilib, Ukrayna 550 döyüşçüsünü itirib"

Ukrayna Silahlı Qüvvələrinin Rusiyanın Belqorod və Kursk vilayətlərinə hücumları dəf edilib, Ukrayna tərəfi 550 döyüşçünü itirib. APA-ya istinadən xəbər verir ki, bu barədə Kremlin mətbuat katibi Dmitri Peskov məlumat verib. "Putin son günlər Belqorod və Kursk vilayətlərində ərazilərimizə hücu

17 mart
.

Sualtı hücum xüsusi təyinatlılarının hava desant hazırlığından görüntülər - VİDEO

Azərbaycan Ordusunun ümumqoşun poliqonlarının birində Hərbi Dəniz Qüvvələrinin sualtı hücum xüsusi təyinatlılarının hava desant hazırlığı toplanışı keçirilib. Bu barədə Müdafiə Nazirliyi məlumat yayıb. Qeyd olunur ki, "Sualtı hücum xüsusi təyinatlı kursu"nun kursant və təlimatçı heyəti il

28 oktyabr 2023
.

Müdafiə Nazirliyi məlumat yaydı - VİDEO

Müdafiə Nazirliyi həftəlik icmalını yayıb. nazirliyə istinadən icmalı təqdim edir

24 dekabr 2023