"Suqovuşanın azad edilməsi Ermənistanın yeni cəbhə formalaşdırmasına gətirib çıxardı"

Bu gün 3 oktyabr Suqovuşanın işğaldan azad olunduğu gündür.

Mövzu ilə bağlı Sonxeber.az-a danışan hərbi ekspert Ramil Məmmədli bildirib ki, Suqovuşanın azad olunması ilə Ermənistanın gücü parçalandı və bu Azərbaycanın lazım gəlsə, gələcəkdə də hərbi üstünlük əldə etməsi üçün strateji əhəmiyyət kəsb edir:
"2020-ci i sentyabrın 3-də Kəlbəcər-Goranboy-Ağdərə-Tərtər istiqamətində aparılan çox uğurlu bir əməliyyat sayəsində ordumuz Suqovuşan yaşayış məntəqəsini və Suqovuşan su anbarını işğaldan azad edə bildi. Bununla Azərbaycan ordusu həmin istiqamətdə qərbə doğru Sərsəng su anbarını, həmçinin cənub istiqamətdə yeni mövqelər əldə edə bildi. Bu çox böyük əməliyyat idi. Ermənistan ordusunun Goranboy və Tərtər istiqamətində yerləşən hərbi bazalarından ən böyüyü orada yerləşirdi. Taktiki baxımdan bu, Ermənistan ordusuna vurulan böyük zərbə idi. Strateji əhəmiyyəti isə azərbaycanlılar yaşayan bölgənin suvarılması, kənd təsərrüfatının inkişafı üçün böyük əhəmiyyət kəsb edirdi. Hərbi-strateji əhəmiyyətinə gəldikdə isə Ermənistanın yeni cəbhə formalaşdırmasına gətirib çıxardı. Məsələyə 2020-ci ilin sentyabr- oktyabrd ayından baxsaq, görərik ki, sentyabr ayının 27-də başlayan döyüşlər artıq oktyabrın 3-də çox qısa müddətdə 1 həftədə Azərbaycan ordusu Talış və Suqovuşan bölgələrini azad edə bildi.Cəbhənin şimal istiqamətində Azərbaycan ordusunun mövqelərini daha da gücləndirdi və Ermənistan silahlı qüvvələrinin həmin istiqamətə ordu yığması ilə nəticələndi. Bundan sonra ordumuz cəbhənin digər istiqamətində, yəni Arazboyu istiqamətində Hadrut, Füzuli, Cəbrayıl, Qubadlı, Zəngilan istiqamətində sürətli hücum əməliyyatları keçirildi. Həmin vaxt ordumuz Cəbrayıl, Füzuli, Hadrut istiqamətində döyüşlər aparırdı, amma artıq cənub Arazboyu istiqamətdə düşmən öz mövqelərini itirdi və gücü parçalandı və bu, Azərbaycanın lazım gəlsə, gələcəkdə də hərbi üstünlük əldə etməsi üçün strateji əhəmiyyət kəsb edir".

Şəbnəm Lətifi

Telegramda izləyin