"Dövlət hər zaman öz əsgərinin yanındadır" - Müşfiq Cəfərov

"Ermənistan hakimiyyəti 30 il müddətində özünü dünyaya bir qurban kimi, Azərbaycanı isə təcavüzkar kimi tanıtmışdı. Bu qəlibləşmiş beynəlxalq ictimai rəyi dəyişmək heç də asan başa gəlmədi. Cənab prezident elə müharibənin ən qaynar günlərində diplomatik savaşa başladı. Təbii ki, biz hər iki cəbhənin qalibiyik".

Bu sözləri Milli Məclisin deputatı Müşfiq Cəfərov Sonxeber.az-a bildirib.
O həmçinin qeyd edib ki, bu gün iki il ötsə də, hər bir şəhid xalqın unudulmaz qəhrəmanına çevrilib. Şəhid ailələrinə ölkəmizdə xüsusi diqqət və qayğı göstərilir:

"Bu il 8 noyabr - Zəfər Günü ikinci ildir ki qeyd olunacaq. Cari il Zəfər Gününü daha böyük qürur və fəxrlə qeyd edirik. Çünki Zəngilan - Ağalı da doğma sakinlərinə qovuşdu. 30 ilə məhv olan Qarabağ belə qısa müddətə bərpa olundu. Azərbaycan dövləti istər müharibə, istərsə də post müharibə dövründə çox gərgin siyasi gərginliyin arasında qaldı. Biz müharibənin haqq savaşımız olduğunu bütün dünyaya bəyan etsək də, hələ də bu reallıqla barışmaq istəməyənlər var. Həqiqətən çox fərqli geosiyasi coğrafiyada yerləşirik. İki il müddətində bir çox revanşist hücumlar dəf edildi. Xarici ölkələrin diplomatik fəndlərinin qarşısı alındı. Ermənistan hakimiyyəti 30 il müddətində özünü dünyaya bir qurban kimi, Azərbaycanı isə təcavüzkar kimi tanıtmışdı. Bu qəlibləşmiş beynəlxalq ictimai rəyi dəyişmək heç də asan başa gəlmədi. Cənab prezident elə müharibənin ən qaynar günlərində diplomatik savaşa başladı. Təbii ki, biz hər iki cəbhənin qalibiyik. Qələbəni əldə etmək qədər onu əldə saxlamaq da olduqca vacib amildir. Bu gün qələbənin möhkəmləndirilməsi, daimiliyinin təmini üçün dövlətimiz tərəfindən düşünülmüş məqsədli addımlar atılır. Xarici ölkələrlə qarşılıqlı əməkdaşlıq və tərəfdaşlıqlar qurulur. Azərbaycan hakimiyyəti 30 il müddətində bütün xarici siyasətini məhz Qarabağın azad olunmasına hədəfləmişdisə, bu gün Qarabağda əməkdaşlığa hədəfləyib.
Təcavüzkar erməni terrorçuları haqq uğrunda savaşan Azərbaycan ordusu qarşısında dura bilmədi və məğlub oldu. Bununla da onların özlərinin də inandığı "Böyük Ermənistan" ordusu mifi puç oldu. Bu həm də Ermənistan ordusu üçün mənəvi məğlubiyyət idi. Azərbaycan əsgəri böyük qəhrəmanlıq, şücaət göstərdi, Vətən uğrunda şərəflə vuruşub öz adlarını tarixə Azərbaycan xalqının qəlbinə yazdırıb. Bu gün iki il ötsə də, hər bir şəhid xalqın unudulmaz qəhrəmanına çevrilib.
Həmçinin, Şəhid ailələrinə ölkəmizdə xüsusi diqqət və qayğı göstərilir. Dövlət hər zaman öz əsgərinin yanındadır. Hər kəs də bilsin ki, Azərbaycan dövləti daima öz vətəndaşının yanında olacaqdır".

Şəbnəm Lətifi

Telegramda izləyin