Belarus və Rusiya birgə hərbi uçuş təliminə başlayıb

Belarus Rusiya ilə birgə hərbi uçuş təliminə başlayıb.

Sonxeber.az xəbər verir ki, bu barədə Belarus Müdafiə Nazirliyi məlumat yayıb.

Nazirliyin mətbuat xidmətindən verilən məlumata görə bu gün Belarus Silahlı Qüvvələri və Rusiya Silahlı Qüvvələrinin birgə regional enerji aviasiya bölmələrinin birgə taktiki-uçuş təlimi başlayıb.

Açıqlamada Rusiya tərəfindən təlimə Hava və Kosmik Qüvvələrin bir quruluşunun qatıldığı qeyd edilib.
"Təlimdə əsas məqsəd döyüş hazırlığı missiyasının birgə icrasında əməliyyat uyğunluğunu təmin etməkdir" ,- deyə açıqlamada bildirilib.
Hava-desant kəşfiyyatı, sərhəd boyu hava məkanında müştərək patrul, qoşunlara hava dəstəyi, taktiki hava desant qoşunlarının köçürülməsi, itkilərin təxliyyəsi və yüklərin çatdırılması təlimlərinin yerinə yetirildiyi bildirilir.

Rusiya prezidenti Vladimir Putin və Belarus prezidenti Aleksandr Lukaşenko oktyabr ayında Rusiya-Belarus İttifaqı dövlətinin sərhədlərində gərginliyin artması səbəbi ilə iki ölkənin hərbi birləşmələrindən ibarət ortaq regional güc yaratmışdılar.

Belarus Müdafiə Nazirliyi yanvarın 6-da bəyan edib ki, Rusiya-Belarus müştərək regional güc müdafiə missiyasına hazırdır və gələcəkdə müxtəlif birləşmə səviyyələrində birgə regional hərbi birləşmələrin təkmilləşdirilməsi üzərində işləməyə davam edəcək.

Təlim fevralın 1-dək davam edəcək.

Şəbnəm Lətifi

Telegramda izləyin