Rusiyanın hücumu nəticəsində Dneprdə 36 nəfər ölüb

Yanvarın 14-də Rusiya ordusunun Ukraynanın Dnepr şəhərinə etdiyi raket hücumunda həlak olan mülki insanların sayı 36-ya, yaralananların sayının isə 75-ə çatıb.
Sonxeber.az xəbər verir ki, Ukrayna Milli Polisinin Telegram hesabından verilən yazılı açıqlamada Rusiya raketinin Dnepr şəhərində 9 mərtəbəli evi vurmasından sonra dağıntılar sahəsində başlayan axtarış-xilasetmə işləri ilə bağlı məlumat verilib.

Açıqlamada hücumda 2-si uşaq olmaqla 36 insanın öldüyü, 75 nəfərin yaralandığı bildirilib.

Dağıntılar altındakı axtarış-xilasetmə işləri 3 gündür davam edir.

Hücumda mülki vətəndaşların həlak olması səbəbilə 3 günlük matəm elan edilib.

İnsanlar hücumda həlak olanların xatirəsini yad etmək üçün dağıntılar ərazisinə çiçəklər və şamlar qoyurlar.

Şəbnəm Lətifi

Telegramda izləyin

instagramda izləyin