Putin rus axtarış-xilasetmə qrupuna təşəkkür edib

Rusiya prezidenti Vladimir Putin Rusiya axtarış-xilasetmə qrupunun Türkiyə və Suriyada zəlzələdən zərər çəkənlərə ən tez kömək edənlər arasında olduğunu deyib və Rusiya Fövqəladə Hallar Nazirliyinə işlərinə görə təşəkkür edib.
Sonxeber.az xəbər verir ki, Kreml Putinin Rusiya Fövqəladə Hallar Nazirliyinə videomüraciəti yayıb.
"Rusiya Fövqəladə Hallar Nazirliyinin əməkdaşları ötən həftə Türkiyə və Suriyada baş verən dağıdıcı zəlzələlərdə zərərçəkənlərə yardım etmək üçün ilk gələnlər sırasında olublar. Xilasedicilərimiz, xilasedici itlərə cavabdeh olan zabitlərimiz, həkimlərimiz və psixoloqlarımız 24 saata yaxın işləyiblər. Sahə xəstəxanaları tez bir zamanda yerləşdirildi, axtarış-xilasetmə işləri təşkil edildi və çox sayda insanın həyatı xilas edildi" ,- deyə Rusiya prezidenti qeyd edib.

Putin nazirliyin həyata keçirdiyi işlərin Rusiyada vətəndaşlar və iqtisadiyyat üçün böyük əhəmiyyət daşıdığını bildirib.

O, Rusiyanın ötən il 35 beynəlxalq humanitar missiyada iştirak etdiyini deyib.

Putin Rusiya Fövqəladə Hallar Nazirliyinin komandalarına işlərinə görə təşəkkür edib.

Şəbnəm Lətifi

Telegramda izləyin