Yunanıstanlı nazir Türkiyə ilə bağlı isti mesajlar verib

Yunanıstanın xarici işlər naziri Nikos Dendias qeyd edib ki, Yunanıstanın Kahramanmaraşda baş verən zəlzələlərdən sonra Türkiyə ilə həmrəy olması və Türkiyə ictimai rəyində yaranan müsbət atmosfer iki xalqın yaxınlığını ortaya qoyub.

"Ta Nea" qəzetinə danışan Dendias Türkiyənin görünməmiş bir fəlakətlə üz-üzə qaldığını və zəlzələdən sonra Türkiyəyə səfərinin Yunanıstanın türk xalqı ilə sonsuz həmrəyliyini göstərmək olduğunu bildirib.

Dendias Yunanıstanın Türkiyəni həm ikitərəfli səviyyədə, həm də Avropa İttifaqının (Aİ) üzvü kimi dəstəkləmək arzusunda olduğunu bildirib.

Xarici işlər naziri Mövlud Çavuşoğlunun Türkiyədə onu çox səmimi qarşıladığını ifadə edən Dendias, Türkiyə vətəndaşlarının da Yunanıstan axtarış-xilasetmə qruplarına son dərəcə isti mesajlar göndərdiyinə diqqət çəkib.

Dendias qeyd edib ki, Yunanıstanın yardıma hazır olması və türk ictimaiyyətinin bu yardıma görə minnətdarlığı iki xalqın yaxınlığını və ehtiyac yarandıqda türk xalqını dəstəkləməyə hazır olduqlarını nümayiş etdirir.

Digər tərəfdən, Dendias bildirib ki, Yunanıstanın türk xalqına yardımı geosiyasi proseslərlə əlaqələndirilə bilməz: "Həmkarım Çavuşoğlunun fikir ayrılıqlarımızın dialoq yolu ilə həlli üçün səy göstəriləcəyinə ümid etdiyini ifadə edən bəyanatını ehtiyatla xatırlayıram. İki qonşu dvlətin arasıda olan anlaşılmazlıqların danışıqlar yolu ilə həll olunacağını ümid edrəm", - deyə nazir qeyd edib.

Dendias vurğulayıb ki, üç illik gərginlikdən sonra sülh və sabitliyə zəmanət verəcək beynəlxalq hüquq əsasında mehriban qonşuluq münasibətlərinə qayıdış üçün nikbin mənzərə yaranıb./Bizimyol.info

Telegramda izləyin