İranda həddindən artıq isti səbəbindən qurumlar 2 günlük tətil elan edib

İranda həddindən artıq istilərlə əlaqədar avqustun 2-3-də ölkə üzrə bütün müəssisələrin tətilə buraxılması qərara alınıb.

Sonxeber.az xəbər verir ki, bu barədə İran hökumətinin sözçüsü Əli Bahadori Çehromi Twitter hesabında yazıb.
"Bu günlərdə misli görünməmiş istilər səbəbindən vətəndaşların sağlamlığını qorumaq üçün Səhiyyə Nazirliyinin təklifi ilə ölkənin bütün ərazisində çərşənbə və cümə axşamı günləri tətil keçirilsin. Bu, Nazirlər Şurası tərəfindən qəbul edilib" ,- deyə o bildirib.

İranda sabah ölkənin cənub-qərbindəki bəzi şəhərlərdə hava istiliyinin 51 dərəcəyə çatacağı təxmin edilir. Paytaxt Tehranda 40 dərəcə isti gözlənilir.

İranın səhiyyə naziri Bəhram Eynullahi hökumətə təklif edib ki, havanın temperaturu 40 dərəcədən çox olan bölgələr həftə sonu tətil elan edilsin.

Telegramda izləyin