Gürcüstanda torpaq sürüşməsi nəticəsində ölənlərin sayı 19-a çatıb

Gürcüstanın kurort şəhəri Şouidə ötən həftə baş verən sürüşmə nəticəsində ölənlərin sayı 19-a çatıb.

Sonxeber.az xəbər verir ki, Şouidə avqustun 3-də baş verən sürüşmə nəticəsində bölgədə başladılan axtarış-xilasetmə işləri davam edir.

Gürcüstan Fövqəladə Hallar Xidmətinin rəhbəri Temur Mqebrişvili bildirib ki, bu gün daha bir qadının cansız cəsədinə çatılıb və həyatını itirənlərin sayı 19-a çatıb.

Mqebrişvili axtarış-xilasetmə işlərinin 24 saat fasiləsiz davam etdiyini bildirib.

15 nəfərdən xəbər alınmayan fəlakət bölgəsində axtarış-xilasetmə qrupları, polis, əsgərlər, xüsusi təlim keçmiş itlər, tikinti texnikası, helikopter və PUA-larla iş aparılır.

Telegramda izləyin