Bu gün görkəmli aktyor Yaşar Nurinin doğum günüdür

Bu gün görkəmli aktyor Yaşar Nurinin doğum günüdürSentyabrın 3-ü görkəmli teatr və kino aktyoru, Azərbaycanın Xalq artisti, Azərbaycan Dövlət Mükafatı laureatı Yaşar Nurinin doğum günüdür.

1951-ci il sentyabr ayının 3-də Bakıda tanınmış aktyor Məmmədsadıq Nuriyevin ailəsində dünyaya gələn sənətkar özünəməxsus milli koloriti ilə seçilən, lirik, komik, psixoloji və dramatik rolların məharətli ifaçısı, hamının sevimlisi idi. Aktyorun atası Azərbaycan kino və teatr tarixində çoxsaylı rolların mahir ifaçısı olub. Hər birimizin sevə-sevə izlədiyi "Yeddi oğul istərəm", "Ulduz", "Uşaqlığın son gecəsi", "Sehrli xalat" və s. filmlərdə rol alan Məmmədsadıq Nuriyevin aktyorluq istedadı, sözsüz ki, övladı Yaşar Nuriyə sirayət edib və hər iki sənətkar kino və teatr tarixində unudulmaz rolların mahir ifaçısına çevrilib.

Yaşar Nuri hələ kiçik yaşlarında ikən səhnədə rol alıb. İlk dəfə on bir yaşı olarkən "Toy kimindir?" tamaşasında Tapdıq rolu ilə səhnədə rol alan unudulmaz aktyorumuz Yaşar Nuri televiziyada "Yelkən" verilişinin aparıcısı olub, "Buratino", "Qaranquş", "Pioner" uşaq verilişlərində iştirak edib. Onun yaradıcılıq arealı bununla məhdudlaşmır. Dəyərli sənətkarımız müxtəlif dram dərnəklərində iştirak edib, görkəmli kino və teatr xadimlərimizdən dərs alıb.

Aktyor teatr səhnəsində çoxsaylı obrazların mahir ifaçısı olub. Sevilən sənətkarımızın Azərbaycan teatr səhnəsində "Övlad" komediyasında Silva, "Bağlardan gələn səs" dramında Pərviz, "Ölülər" əsərində Məşədi Oruc, "Od gəlini" dramında Altunbay, "Büllur sarayda" pyesində Bayandur, "Bizim qəribə taleyimiz" pyesində Davud, "Bəşərin komediyası və yaxud Don Juan" əsərində Sqanarel, "Dəli yığıncağı" faciəsində Sərsəm Salman, "Fəryad" əsərində Rəhman, "Mesenat" əsərində Ağamusa Nağıyev, "Sevil" əsərində Əbdüləli bəy, "Qanlı Nigar" pyesində Abdi, "Gülüstanda qətl" pyesində Şahməmməd İsmiyeviç, "Afət" əsərində Xandəmir və s. rolları ona geniş tamaşaçı rəğbəti qazandırıb.

Yaşar Nuri, eyni zamanda, hamı tərəfindən sevilərək izlənilən televiziya tamaşalarında da yadda qalan obrazların görkəmli ifaçısıdır. Çoxlarımız Yaşar Nurinin baş rol ifaçısı olduğu tamaşaları sevə-sevə izləyirik. Yaşar Nuri Azərbaycan Dövlət Televiziyasının hazırladığı "Yollar görüşəndə", "Ömrün yolları", "Qatarda", "Evləri köndələn yar", "Qonşu qonşu olsa", "Kökdən düşmüş piano", "Topal Teymur", "Yarımştat", "Ac həriflər", "Göz həkimi", "Yaşıl eynəkli adam", "Səni axtarıram" trilogiyasında və bir çox teletamaşalarda bənzərsiz rolların mahir ifaçısına çevrilib. Bir çoxunun yaddaşında Yaşar Nuri "tamada Surxayzadə", "Gülərin Həsənağası", "Gülnarın Elçini", "çəkməçi Dadaşov", "ac həriflərin Həsən dayısı", "fotoqraf Əli bəy" və digər obrazlarda qalıb. Bu da aktyorun istənilən obrazı yaddaqalan və unudulmaz canlandırmasından irəli gəlir.
Böyük sənətkarın aktyorluq fəaliyyəti bununla məhdudlaşmır. Kino sahəsində də bir-birindən parlaq obrazlar yaradan sevimli sənətkarımız "Dörd bazar günü", "Bəyin oğurlanması", "Ad günü", "Yol əhvalatı", "Yaramaz", "Yuxu", "Hər şey yaxşılığa doğru", "Lətifə", "Qətl günü", "Fransız", "Yoxlama" və s. filmlərdə rol alıb.

O, həm kino, həm də teatr sahəsində xidmət göstərməklə yanaşı, teatrda "Subaylarınızdan görəsiniz" tamaşasına quruluş verib, kinoda isə "Spasibo" filmini çəkib.

Xalq artisti uzun sürən xəstəlikdən sonra 2012-ci il noyabrın 22-də dünyasını dəyişib. İkinci Fəxri Xiyabanda dəfn edilib.


Sonxeber.az Telegramda izləyin instagramda izləyin
Mədəniyyət   Baxılıb: 1088   Tarix: 03 sentyabr 2023  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

"Məni o rola Heydər Əliyev seçmişdi" - Həmidə Ömərova

Xalq artisti Həmidə Ömərova 1982-ci ildə lentə alınan "Nizami" filmində Afaq roluna dəvət almasının maraqlı tarixçəsindən söz açıb. -ın xəbərinə görə, bu barədə teleproqramlardan birində danışıb. Aktrisa qeyd edib ki, həmin rola onu Heydər Əliyevin tövsiyəsi ilə çəkiblər. "Bu filmə məndə

1 may
.

Aygün Kazımova saatlarla ASILI QALDI - VİDEO

Xalq artisti Aygün Kazımova türkiyəli müğənni-bəstəkar Genco Ecerlə duet şəklində oxuduğu "Maşallah" klipindən kadrarxası görüntüləri paylaşıb. xəbər verir ki, ifaçı ekran işində yaratdığı ən maraqlı və çətin obrazının hazırlıq məqamlarını yayımlayıb. Obrazı yaratmaq üçün uzun hörüklərdən istifad

19 may
.

Toylardakı menyudan danışan Alim Qasımov: "O yeməklər adamı xəstələndirir" - VİDEO

Xalq artisti Alim Qasımov yeni açıqlaması ilə diqqət çəkib. xəbər verir ki, "Maqazin plus" verilişinə danışan sənətçi retoranlardakı toy menyularının çoxluğundan şikayətlənib. Qasımov bidirib ki, belə olan halda yeməklər sağlamlığa zərər vurur:. "Toylarda çeşidli menyuya ehtiyac yoxdur

14 may
.

Aktrisa ilə evlənib onu sənətdən uzaqlaşdırdı, Şəkidən Moskvaya qədər... - Onun son arzusu nə idi?

Onun ekran həyatı verdiyi kinolarda hər şey bir başqadır, tam fərqlidir. Hamımızdan bir parça var sanki o filmlərdə. Zaman-zaman "Sən niyə susursan" dediyimiz də oldu, "Ölsəm bağışla" dediyimiz də. Gah Zaur olub elə gözəl Təhminələr sevdik, gah da Təhminə olub öz sevgimizi ürəyimizd

12 iyul
.

Xankəndidə daha 26 avtomat və 3 pulemyot aşkarlandı

Vətən müharibəsi və antiterror əməliyyatlarından sonra Böyük Qayıdış prosesinin sürətləndirilməsi və təhlükəsizliyin etibarlı təmin edilməsi məqsədilə Daxili İşlər Nazirliyinin əməkdaşları tərəfindən müharibə qalıqları, təhlükə mənbələrinin aşkarlanıb zərərsizləşdirilməsi prosesi davam etdirilir. xəbə

29 iyun
.

Yusif Abdullayev: "2022-2023 cü illərlə müqayisədə xalça ixracımız 30 faiz artıb"

"2022-2023-cü illərlə müqayisədə xalça ixracımız 30 faiz artıb". xəbər verir ki, bunu İxracın və İnvestisiyaların Təşviqi Agentliyi - AZPROMO-nun icraçı direktoru Yusif Abdullayev Azərbaycanda ilk dəfə keçirilən Milli Xalça Festivalı zamanı jurnalistlərə açıqlamasında deyib. O bildirib ki

4 may
.

85 yaşlı Xalq artisti: "Xanım direktor dedi ki, yaşlı adamlar işdən çıxarılacaq"

"Mənim belim bükülməyib, əlim əsmir, başım fırlanmır, səhnədə gəzə bilirəmsə, niyə teatrda olmamalıyam?! Xaricən də çox cavan görünürəm, daxilən də özümü cavan hiss edirəm. Teatra yaşlı aktyorlar lazımdır. Ağasadıq Gəraybəyli 90 yaşında "Əliqulu evlənir" tamaşasını oynayırdı. Sözün əs

25 iyun
.

"Bəyin oğurlanması"na baxıb ağlayıram - Xalq artisti

Hamımızın "Bəyin oğurlanması" kinokomediyasında Həsənin anası kimi xatırladığımız aktrisa, Xalq artisti Lətifə Əliyeva çətin günlər yaşayır. -a açıqlama verən aktrisa bildirib ki, sərbəst yeriməkdə çətinlik çəkir, yüksək şəkəri və təzyiqi var. "Yaman kövrək olmuşam. Aktyor dostlarımı xatırladıqc

21 iyun
.

Ermənilər Üzeyir Hacıbəylinin əsərini oğurladı - Azərbaycan hərəkətə keçdi

Azərbaycan Ermənistandan Üzeyir Hacıbəylinin müəlliflik hüquqlarını pozan şəxsləri cəzalandırmağı tələb edib. "Qafqazinfo" xəbər verir ki, bu barədə Mədəniyyət Nazirliyi və Əqli Mülkiyyət Agentliyinin bəstəkar Üzeyir Hacıbəylinin "O olmasın, bu olsun" komediyasının musiqisinin bi

7 iyun