"Azərbaycan xalqı var olduqca şəhidlərimizin xatirəsi hər zaman böyük ehtiram və hörmətlə anılacaq" - Emil Əkbərov

"27 sentyabr müasir Azərbaycan tarixinə qızıl hərflərlə həkk olunub".

Bunu Sonxeber.az-a danışan "BİG Media" MMC-nin direktoru Emil Əkbərov deyib.

Emil Əkbərov qeyd edib ki, Azərbaycan Respublikasının Prezidenti İlham Əliyevin 02.12.2020-ci il tarixli Sərəncamı ilə hər il sentyabrın 27-si "Anım Günü" qeyd edilir. Cənab prezident İlham Əliyevin sərəncamı ilə 27 sentyabrın Anım Günü kimi qeyd edilməsi şəhidlərimizə, qazilərimizə və İkinci Qarabağ müharibəsi iştirakçılarına verdiyi böyük dəyərin göstəricisidir. 44 günlük Vətən müharibəsində dövlətimizin suverenliyi və ərazi bütövlüyü uğrunda gedən mübarizədə bir yumruq kimi birlik və həmrəylik nümayiş etdirərək, düşmənə sarsıdıcı zərbələr endirdi. Dörd il əvvəl sentyabrın 27-də cənab prezident, Azərbaycanın Müzəffər Ordusunun Ali Baş Komandanı İlham Əliyev televiziya kanalları vasitəsilə Azərbaycan xalqına tarixi müraciət etdi. 2020-ci ilin sentyabrın 26-da Ermənistan silahlı qüvvələri bir neçə istiqamətdən, müxtəlif növ silahlardan, o cümlədən ağır artilleriyadan istifadə edərək, bizim yaşayış məntəqələrimizi, eyni zamanda hərbi mövqelərimizi atəşə tutmuşdular. Ermənistan silahlı qüvvələrinin açdığı atəş nəticəsində mülki əhali və hərbçilərimiz arasında ölənlər, yaralananlar oldu.

44 gün davam edən Vətən müharibəsində qəhrəman oğullarımız bütün şəhidlərimizin qisasını alaraq ərazi bütövlüyümüzü bərpa etdilər. Qəhrəman oğullarımızın 44 günlük Vətən müharibəsində və Qarabağda keçirilən 24 saatlıq lokal antiterror tədbirlərində göstərdiyi igidlik nəticəsində ölkə suverenliyimiz və ərazi bütövlüyümüz tam bərpa olunub. Bu gün üçrəngli bayrağımız Xankəndində, Şuşada və digər işğaldan azad olunmuş şəhərlərdə, rayonlarda dalğalanır. Azərbaycan xalqı var olduqca ərazi bütövlüyümüz uğrunda şəhid olan bacı və qardaşlarımızın xatirəsi hər zaman böyük ehtiram və hörmətlə anılacaq. Bu gün qalib ölkənin vətəndaşı olmaq qürurunu bizə yaşadan şəhidlərimizə Allahdan rəhmət, qazilərimizə isə şəfa diləyirəm".

Telegramda izləyin

instagramda izləyin