Yas yerlərində ehsan verilməsi vətəndaşları maddi ziyana salır - VİDEO

Elə vətəndaşlar var ki, borc götürür, torpağını və evini satır ki, yasa gələnlərə ehsan verə bilsin.

Sonxeber.az xəbər verir ki, bu sözləri Milli Məclisin deputatı Siyavuş Novruzov Xəzər Xəbər"ə açıqlamasında deyib. Millət vəkilinin sözlərinə görə, yaş yerlərində süfrələri dolduraraq ehsan verilməsinin islam dini ilə heç bir əlaqəsi yoxdur:

"Maksimum dərəcədə sadələşdirilməlidir. Süfrəyə meyvələr qoyulur. O meyvələr tamamilə götürülməlidir. Yasda nə olmalıdır? Limon, halva, qənd və çay. Bir dəfə ehsan verilə bilər. Ehsan Qurani-Kərimdə də nəzərdə tutulub. O kəslərə ki, ehsana ehtiyacı var. Bəzi hallarda görürük ki, yas yerlərinə ac adamlar gəlir ki, orada yemək yeyə bilsin. Bu zaman onu oradan çıxarırlar. Ehsan bunun üçündür əslində. Ehsan kiminsə diqqətini cəlb etmək yaxud zəng adamlar üçün deyil".

Deputat yas yerlərində qoyulan qiymətlərdən danışıb. O deyib ki, bir müddət öncə Naxçıvanın Şərur rayonu Mahmudkənd kəndinin birgə qərarı ilə ehsan verilməsi qadağan edilib. Qadağa edilsə də, yenə belə insanların şəxsi qərarlarına əsasən yaş yerlərində ehsanların verilməsi davam edir.

Ətraflı "Xəzər Xəbər"in süjetində:

Telegramda izləyin