Saxta yardım və əlillik düzəldənləri hansı cəza gözləyir? - AÇIQLAMA

Daha əvvəl qeyd etdiyimiz kimi, ölkədə qazi, Vətən müharibəsi iştirakçısı və şəhid ailəsi adından istifadə edən şəxslər az deyil. Həmin şəxslər bu adlar istifadə edərək qanunsuzluq və dələduzluq hallarına yol verir. Eyni bu lillik və sosial yardım almaq üçün saxta sənədlər hazırlayan şəxslər üçündə aiddir. Bu baxımdan saxta yardım və əlillik düzəldənləri hansı cəza gözləyir?

Mövzu ilə bağlı vəkil Emil Aslanov Sonxeber.az-a açıqlamasında bildirib ki, rəsmi sənədləri, dövlət təltifləri, ştampları saxtalaşdırmaq, qanunsuz hazırlamaq və saxta sənədlərdən istifadə etmək cinayət məsuliyyəti hesab olunur:

" Azərbaycan Respublikasının Cinayət Məcəlləsinin 320.1-ci maddəsinə əsasən hüquq verən və vəzifədən azad edəni yaxud digər rəsmi sənədi istifadə etmək məqsədilə saxtalaşdırmaq, hazırlamaq və satmaq, 3 min manatdan 6 min manata qədər cərimə, 2 il müddətinə qədər islah işləri yaxud 2 il müddətinə azadlıqdan məhrumetmə ilə cəzalandırılır.Eyni zamanda əlillik və sosial yardım düzəltmək adı ilə vətəndaşlardan pulun alınması dələduzluq cinayətinin tərkibi yaranır. Burada Cinayət Məcəlləsinin 178-ci maddəsinin tərkibidir. Əgər alınan məbləğ 500 manatdan - 5 min manata qədərdisə min manatdan 2 min manata qədər cərimə yaranır. 360 saatdan-400 saata qədər ictimai işlər, 2 il müddətinə islah yaxud azadlıqdan məhrumetmə ilə cəzalandırılır. Əgər qanunvericiliklə müəyyən olunur ki, qabaqcadan bir qrup şəxslə törədildikdə yaxud təkrar törədildikdə artıq sanksiya burada daha ağırdır. 4 min manatdan 7 min manata qədər cərimə, 3 ilə qədər azadlığın məhdudlaşdırılması yaxud 2-5 ildən azadlıqdan məhrumetmə ilə cəzalandırılır. Əgər 50 mindən yuxarı aldadılaraq vətəndaşdan alınırsa, burada artıq külli miqdarda ziyan vurmaq törədilir. Bu zaman 5 ildən 10 ilə qədər azadlıqdan məhrumetmə ilə cəzalandırıla bilirlər".

Telegramda izləyin