"İran-Azərbaycan münasibətlərinin normal qaydada saxlanılması faydalıdır" Ekspert

Ötən ilin yanvar ayında İranda səfirliyimizə qarşı törədilmiş terror hücumundan sonra İran tərəfi ilə danışıqların əsas istiqamətlərindən biri səfirliyin təhlükəsizliyinə tam təminatın verilməsi məsələsi ətrafında olub.S əfirliyin yeni məkanı artıq müəyyən edilib. Hal-hazırda qeyd edilən məkan və binada səfirlik üçün zəruri şəraitin yaradılması məqsədilə müvafiq tədbirlər görülür. Qeyd edilən işlər yekunlaşandan sonra səfirliyin yeni məkanda fəaliyyətinin bərpa edilməsi planlaşdırılır.

Məsələ ilə bağlı hərbi ekspert Səxavət Məmməd Sonxeber.az-a açıqlama verib.

Ekspert İran kimi dövlət ilə Azərbaycanın münasibətləri normal qaydada saxlanılması faydalıdır:

"İran və Azərbaycan arasında münasibətlər sona qədər bu şəkildə gedə bilməzdi. Əlbəttə İran və Azərbaycan arasında dost və qardaş münasibəti olmayacaq. Amma İran kimi dövlət ilə Azərbaycanın münasibətləri normal qaydada saxlanılması faydalıdır. Çünki İran son olaraq İsrail toqquşması, ABŞ-ə qarşı gəlməsi onu göstərir ki, İran təhlükəli dövlətdir. Hazırda normal münasibətlər saxlanmalıdır. İran və Azərbaycan arasındakı münasibətlərin düzələcəyi barədə siqnallar da var idi. Son dönəmlərdə Azərbaycan Müdafiə Nazirinin müavini də İrana səfər etmişdi, bundan əlavə ticarət əlaqələri davam edirdi. Hesab edirəm ki, səfirliyin açılması düzgündür. İki ölkə arasında münasibətlər normal şəkildə davam edəcək. Hər iki ölkənin maraqları var. Hazırki zamanda Azərbaycana düşmən yox, normal münasibəti olduğu qonşu lazımdır. Hesab edirəm ki, İran da bu ölkələrdən biridir".

Telegramda izləyin