Saatlıq minimum əməkhaqqına keçid: Vətəndaşların pensiyası necə HESABLANACAQ? - AÇIQLAMA

Xəbər verdiyimiz kimi, iyul ayından Azərbaycanda saatlıq minimum əməkhaqqına keçilməsi ilə bağlı qərar verilib. Bu gün isə vətəndaşlar tərəfindən verilən sual isə, Tətbiq olunacağı təqdirdə istər yeni işləyənlərin, istərsə də köhnə işçilərin pensiyası necə hesablanacaq. Belə olan halda hansı məbləğdə pensiya ala biləcəklər?

Mövzu ilə bağlı Sonxeber.az-a danışan iqtisadçı ekspert əməkhaqqının hesablanması qaydasının dəyişməsinin pensiyaya heç bir təsiri olmayacaq. Bu əməkhaqqının minimum standartlarının dəyişdirilməsidir:

"Bunun pensiya qanunvericiliyinə və hesablanma qaydasına təsiri olmayacaq. Bu heç minimum əməkhaqqının dəyişdirilməsi məsələsi deyil. Minimum əməkhaqqının dəyişdirilməsi məsələsinə hökumət özü baxacaq. 2024-cü ilin noyabrından təkliflərin hazırlanması ilə bağlı tapşırıq verilib. 2025-dən isə minimum əməkhaqqı artırılacaq. Amma bu indiki dəyişiklik məbləğin həcminədə təsir etməyəcək".

Ekspertin sözlərinə görə, bu dəyişikliyin mahiyyəti odur ki, çevikliyi artırır. Müqavilələr ola bilər ki, 42 saatlıq iş rejimi olsun. Saat əsasında bunların hesablanması ona gətirib çıxarır ki, çevikliyi artırır:

"Sahibkarların özü üçün də bilinəcək ki, əmək müqaviləsi bağlandıqda minimum hədlər nədir. Hal-hazırda minimum əməkhaqqının səviyyəsi çox aşağı olduğuna görə, real proseslərə təsiri belə aşağıdır. Əməkhaqqı yüksək olsaydı əmək bazarına təsir edə bilərdi. İndiki halda əhalinin çox az hissəsi minimum əməkhaqqı ilə maaş alırlar".

Sevda Səfərova

Telegramda izləyin