"Azərbaycan-Belarus münasibətləri dostluq və qardaşlıq prinsipləri üzərində bərqərar olub" - DEPUTAT

" Azərbaycan və Belarus prezidentlərinin dostluq münasibətləri ölkələrimiz arasındakı əlaqələrin möhkəmləndirilməsinə xidmət edir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, Azərbaycan-Belarus münasibətləri dostluq və qardaşlıq prinsipləri üzərində bərqərar olub:

"SSRİ-nin dağıldıqdan sonra postsovet məkanında yaranmış mürəkkəb geosiyasi vəziyyətə baxmayaraq,Azərbaycan və Belarus arasında münasibətlər xalqlarımızın maraqlarına uyğun şəkildə inkişaf etməkdədir. Mayın 16-da Belarus Respublikasının Prezidenti Aleksandr Lukaşenkonun ölkəmizə rəsmi səfəri bu münasibətlərin dostluq xarakteri daşımasının əyani göstəricilərindəndir. Qarşılıqlı səfərlərin intensivliyi və imzalanmış müqavilələr siyasi-iqtisadi əlaqələrin dinamik inkişafı üçün müsbət zəmin yaratdı. Hər iki ölkə başçısı dövlətlərarası münasibətlərin günbəgün inkişaf etdirilməsində maraqlıdır.

Bu gün Azərbaycan və Belarus parlamentləri arasındakı əməkdaqşlıq yüksək səviyyədədir. Hər iki ölkənin Milli Məclisi arasındakı əlaqələrin inkişafı üçün parlamentarilərdən ibarət xüsusi işçi qrupları yaradıblar. Belarus və Azərbaycan Parlamentlərarası İttifaqın (PAİ), MDB Parlament Assambleyalarında, ATƏT və QDİƏT-də sıx əməkdaşlıq edir. Bundan başqa, iki ölkə arasında mədəni əlaqələr də qorunub saxlanılır və fəal inkişaf etdirilir".

Deputat vurğulayıb ki, 44 günlük Vətən müharibəsi zamanı bizə daim mənəvi dəstək olan ölkələrdən biri də Belarus idi:

"Cənab Lukaşenkonun ölkəmizdə olan zaman işğaldan azad olunmuş ərazilərimizə səfər etdi. Belarus Prezidenti Aleksandr Lukaşenko ölkəmizə rəsmi səfəri zamanı Qarabağın dirçəldilməsi prosesinə ölkəsinin də töhfə verməyə hazır olduğunu göstərmiş oldu. İnanıram ki, iki dövlət arasındakı səmimi və müsbət münasibətlər hər bir sahədə əməkdaşlığı daha da artıracaq".

Telegramda izləyin