Minimum əməkhaqqı nəcə hesablanmalıdır? "İnsanların yaşam xərcləri təhlil olunmalıdır"- Açıqlama
Minimum əməkhaqqı ixtisassız əməyə və xidmətə görə verilən ən aşağı ödəniş olmaqla, qanunla bu sahədə müəyyən edilən sosial normativdir. Məlum olduğu kimi onun mahiyyəti həmin əməkhaqqıya çalışan şəxsin öz minimum tələbatını ödəyə bilməsindən ibarətdir. Hazırda minimum əmək haqqı 345 manat təşkil edir. Əmək və Əhalinin Sosial Müdafiəsi Nazirliyinin minimum əməkhaqqının artırılması ilə bağlı təkliflərini hazırlayaraq noyabrın 1-dək təqdim edəcəyi gözlənilir. Bəs, minimum əməkhaqqı nə qədər olmalıdır. Bu məbləğ necə hesablanmalıdır,
Məsələ ilə bağlı sosioloq Əhməd Qəşəmoğlu Sonxeber.az-a açıqlama verib.
Sosioloq bildirib ki, Azərbaycanda insanların yaşam xərcləri elmi yolla təhlil olunmalıdır
"Azərbaycanda insanların yaşam xərcləri elmi yolla təhlil olunmalıdır. Hər bir ölkədə, xüsusi ilə Azərbaycanda insanların normal inkişafı üçün nə lazımdır. Bu siyahını bəzən tuturlar. Amma "keflərin necə gəldi" elə tuturlar.
Təklif etdiyim və dünyada yayılmaqda olan ahəngyol elmi bu sahədə konkret olaraq metod təklif edir. Yəni biz çalışmalıyıq ki, əhali ölkədə fiziki və mənəvi cəhətdən normal inkişaf etsin. Eyni zamanda hər kəs öz potensialını aça bilsin. Müəyyən və istədiyi əməklə çalışmaq imkanı olsun . Bu zaman biz ehtiyac paketini hazırlaya bilərik".
Əhməd Qəşəmoğlu bildirib ki, yalnız düzgün təhlillər aparıldıqdan sonra deyə bilərik ki, bizim ölkədə minimum bu qədər əməkhaqqına ehtiyac var:
"Yoxsa sovet vaxtında və ya ondan qabağ "acından ölməmək" adı ilə edilənlər köhnəlmiş metoddur. İnsan həyata gəlməyib ki, baramaqurdu kimi ancaq yemək yesin. İnsan həyata gəlib ki, kankret elmlə məşğul olsun. Ahəngyol elmi də bildirir ki, hər bir insanın fiziki sağlamlığı və mənəvi zənginliyi normal vəziyyətdə olmalıdır. Əməyə yararlı münasibət - yəni əmək sahəsində öz istədiyi şəkildə və potensialına uyğun olaraq bir əməklə məşğul olsun. Bunlar hesabladıqdan sonra biz deyə bilərik ki, bizim ölkədə minimum bu qədər əməkhaqqına ehtiyac var.
Bəzən belə bir yalnışlığa yol verirlir. Filan ölkədə əməkhaqqı bu qədərdir, başqa birində çoxdur və ya az. Bu aldadıcı rəqəmlərdir. Çünki hər bir ölkədə pulun alıcılıq qabiliyyəti var. Heç vaxt orta əməkhaqqı ilə müzakirə eləmək olmaz ki, filan ölkədə maaş yaxşıdı, filan ölkədə həyat şəraiti pisdir. Hər ölkədə hər pul vahidinin alıcılıq qabiliyyəti var. Bunlar elmi olaraq təhlil olunmalıdır. Təəssüflər olsun ki, Azərbaycanda bu istiqamətdə təhlillər getmir".
Sonxeber.az
Telegramda izləyin
Şikayətiniz varsa Whatsapp: 051 7028255
Facebookda Paylaş