Kimlər qurban KƏSƏ BİLMƏZ? - AÇIQLAMA

Xəbər verdiyimiz kimi, iyunun 16-17-də Azərbaycanda Qurban bayramı qeyd ediləcək. Qafqaz Müsəlmanları İdarəsinin Qazılar Şurasının Qurban bayramı ilə bağlı fətvasında bayram namazının iyunun 16-da qılınacağı qeyd olunub.

Qurban kəsmək İslam dinində müəyyən şərtlərə və qaydalara tabedir.Bunun üçün bəzi əsas şərtlər tələb olunur. Bəs qurbanı kimlər kəsə bilməz? Məsələ iə bağlı Sonxeber.az-a ilahiyyat üzrə fəlsəfə doktoru Əhməd Niyazov açıqlama verib:

"İslamda ibadətlər üç yerə bölünür. Bədənlə, malla və ya hər ikisi edilməsinə görə bu hissələrə bölünür. Qurban ibadəti mal ilə yerinə yetirilən- yəni maddi ibadətlərdən sayılır. Ona görə də qurban kəsmək maddi imkanı yerində və onun şərtlərinə malik olan müsəlmanların yerinə yetirdiyi dini vəzifədir. Sadəcə olaraq hənəfilik məktəbinə görə, kimə ki, zəkat və qurban kəsmək vacibdir. Onun xaricində bütün məktəblər və alimlərə görə qurban ibadəti müstəhəb bir əməldir".

İlahiyyatçının sözlərinə görə, əgər kiminsə maddi vəziyəti yaxşı deyilsə və ailənin maddi imkanlarını qarşılaya bilmirsə, ailə hüquqlarına riayət etməkdə çətinlik çəkirsə onlar qurban kəsməməlidir:

"Çünki qurban maddi imkanı varsa yerinə yetirilməsi müstəhəb bir əməldir. Əgər imkan yoxdursa, onun əsas vəzifəsi ailəsinin maddi imkanlarını və vəziyyətini yaxşılaşdırmaqdan ibarətdir. Ona vacib olan başqa bir əməl varsa, onu qoyub müstəhəb bir əməl yerinə yetirməsi doğru deyil. Belə insanların qurban kəsməməsi daha uyğundur".

Telegramda izləyin