Azərbaycanda qazın limiti ARTIRILIR? - AÇIQLAMA

Hazırda əhalinin illik istehlakının 1200 kubmetrədək olan hissəsinin qiyməti 12 qəpikdən hesablanır. 1 200-2 500 kubmetrədək və 2 500 kubmetrdən çox olan hissələr üçün isə müvafiq olaraq 20 və 25 qəpik müəyyən edilib. Ümumiyyətlə ölkə üzrə insanları qayğılandıran əsas məsələlərdən biri də qaz limitinin sıfırlanması məsələsidir. Demək olar ki, ölkəmizdə hər ilin əvvəlində limitlərin yenilənməsi tətbiq edilir.

Qaz limitinin ləğvi tez-tez gündəmə gəlsə də, limitin artırılması məsələsi də bir o qədər müzakirə olunur. Bu il ərzində qaz limitinin artırılması gözləniləndir? Mövzu ilə bağlı iqtisadçı ekspert Rəşad Həsənov Sonxeber.az-a açıqlama verib:

" Hazırda bu məsələ ilə əlaqədar hər hansı müzakirənin getdiyini müşahidə etməmişəm. Hökumətin aidiyyatı qurumlarının verdiyi ictimai mesajlar və əks arqumentləşdirmə cəhdləri isə onu deməyə əsas verir ki, cari şərtlər daxilində limitlərin artırılması istiqamətində hər hansı ehtimal yoxdur. Xüsusi ilə də nəzərə alsaq ki, hazırda hökumətin işğaldan azad edilmiş ərazilərin quruculu aspektindən hər zamankından daha çox vəsaitə ehtiyacı var. Kommunal xidmətlər istiqamətində hər hansı güzəştlərin verilməsi gözlənilən deyil. Həmçinin yaşıl konsepsiyalar enerjidən səmərəli istifadə yollu ilə istixana qazlarının azaldılması, bu məqsədlə də enerji qiymətlərinində səmərəsiz istifadədən caydırıcı olması kimi məqamları ilə günümüzdə daha çox müzakirə olunur. Bu şəraitdə hökumət müvafiq təklifləri bütün imkanları ilə qəbul etməyəcək".

Sevda Səfərova

Telegramda izləyin