İxtisas seçimi üçün pul ÖDƏMƏLİYİK? - VİDEO

Kimi ixtisas seçimini abituriyent üçün 50 manata edir, kimisi də 200 manata. Hətta indidən bəzi müəllimlər depozit olaraq abituriyentdən müəyyən ödəniş alıb, onun üçün növbə təyin edirlər. Ali məktəblərə qəbul demək olar ki, bitmək üzrədir. Yaxın günlərdə abituriyentlər üçün daha önəmli bir proses - yəni ixtisas seçimi başlayacaq. Bəs bu necə baş verir?

Sonxeber.az xəbər verir ki, bununla əlaqədar "Xəbər Ertəsi"nin əməkdaşları bəzi şirkətlər ilə əlaqə saxlayıb. Bildirildi ki, xidmət 50-200 manat arası, hətta daha yuxarı qiymətə təklif olunur:

"Biz də minimum qiymət 200 manatdır. Əvvəlcədən 50 manatdan depozit qoymaq lazımdır. Qoyulan depozit geri qaytarılmır. Yerdə qalan 150 manat isə xidmətdir. Nəticələr elan olunduqdan sonra özümüz məlumat veririk".

Təhsil eksperti Vüsal Kərimlinin sözlərinə görə, orta məktəblərdə karyera planlaması olmadığı üçün abituriyentlər bu dönəmdə çıxılmaz vəziyyətdə qalırlar. Son 3 ilin ixtisas ballarını analiz etməklə və universitetləri araşdıraraq prosesi həyata keçirmək mümkündür.

Ətraflı "Xəbər ertəsi"nin süjetində:

Telegramda izləyin