Hərbi xidmətdə qəza, təlimdə YARALANMA: Müharibə yoxdursa, əsgər niyə ölür?

Xəbər verdiyimiz kimi, işğaldan azad olunan Xocavənd rayonu ərazisinə dislokasiya edilən Daxili İşlər Nazirliyi Daxili Qoşunların müddətdən artıq xidmət edən hərbi qulluqçusu silahı ilə ehtiyatsız davranması nəticəsində aldığı xəsarətdən vəfat edib. Bir neçə gün öncə 21 yaşlı MAXE Xanlar Əhmədov təlim zamanı tabel silahı ilə ehtiyatsız davranması nəticəsində xəsarət alıb. Göstərilən tibbi müdaxilələrə baxmayaraq dünyasını dəyişib.

Azərbaycan Ordusunun zabiti Məhərrəmov Seydullah Sadiq oğlu bədbəxt hadisə nəticəsində həlak olub. Həlak olan hərbçi Qax rayonunun Qorağan kəndindəndir. Onun Bakı şəhərində yol-nəqliyyat hadisəsi zamanı həlak olduğu bildirilir.

Göründüyü kimi, artıq neçənci dəfəfir ki, təliz zamanı əsgərlər yaralanır yaxud yol-nəqliyyat hadisəsi zamanı dünyasını dəyişir. Bəs əsgərlərimizin təhlükəsizliyinin təmin edilməsində hansı addımlar atılmalıdır? Bədbəxt hadisələrin qarşısını necə alaq?

Mövzunu Sonxeber.az-a şərh edən Üzeyir Cəfərov bildirib ki, bütün bunlar hərbi xidmətdə yaşadığımız real həyatın bir parçasıdır. Mülki həyatda nə baş verirsə, hərbi xidmətdə də böyük faiz dərəcəsi ilə təkrarlanır:

"Şəhərlərdə qəzalar olduğu kimi hərbi xidmətdə bu baş verir. Vətəndaşlar arasında sudan boğulma halları müşahidə olunur. Hərbi xidmətdə biz bunu görə bilirik. Eyni zamanda elektrik cərəyanından həyatını itirənlər belə olur. O cümlədən hərbi xidmətin bir özəlliyi var ki, orada silah-sursatla hər gün iş görürlər. Silah-sursat təhlükəli vasitələrdir. Hər an onların partlaması və ehtiyatsız davranma nəticəsində bədbəxt hadisənin baş verməsi mümkündür. Bu nöqteyi-nəzərdən komandirlər- Manqa komandirindən tutmuş tabor yaxud briqada komandirlərinə kimi hamısı əsgərlərimizin təhlükəsizliyini təmin etmək üçün üzərinə düşən borcları yerinə yetirməlidirlər. İstər kiçik komandirlər, istərsə də böyük komandirlər yaxud zabitlər olsun. Onlar vəziyyətə nəzarət etməlidirlər. İl ərzində belə hadisələrin baş verməsi çox cüzi olur".

Ekspertin sözlərinə görəə, harda boşluq varsa, bu bədbəxt hadisələr çox olacaq. Ona görə də artıq neçənci dəfədir ki, əsgərlərimiz ya nəqliyyat qəzalarında, ya da təlim zamanı silahdan ehtiyatsiz davranmağa görə yararlanırlar:

"Hərbi xidmət elədir ki, sutkanın əksər hissəsini ya təlimdə olursan, ya da müəyyən tapşırıqları yerinə yetirirsən. Ona görə hərbi qulluqçularımız ilə bağlı olan məsələde daim maarifləndirmə işi aparılmalıdır. Müəyyən məlumatlandırma işi həyata keçirilməlidir ki, hərbi qulluqçular burada diqqətli və ehtiyatlı davransınlar. Heç bir komandir istəməz ki, onun əsgərinin burnu qanasın. Amma bu həyatdır. Bəzən olur ki, obyektiv yaxud subyekti səbəblərdən belə hadisələr baş verir. Təkcə bizim ordumuzda deyilən, dünyanın aparıcı ölkələrinin ordu heyətində bu hallar baş verir. Sadəcə tələbkarlıq və diqqət bu cür halların qarşısını almağa qadirdir. Yəqinki məsuliyyətli komandirlər başa düşürlər ki, bu məsələyə çox ciddi yanaşmaq lazımdır".

Sevda Səfərova

Telegramda izləyin