Adnan Oktarın 5 milyardlıq mülkü müsadirə olundu: Siyahıda nələr VAR? - FOTO

Türkiyədə bir çox cinayət işi üzrə təqsirli bilinərək 8658 il azadlıqdan məhrum edilən Adnan Oktarla bağlı yeni detallar var.

Sonxeber.az türk mediasına istinadən xəbər verir ki, Adnan Oktarın təşkilatının təxminən 5 milyard dəyərində mülkü ələ keçirilib. Müsadirə edilən mallar arasında 17 villa, zinət əşyaları və dövlət məmurlarının istifadə etdiyi rəsmi maşınları qoruyan zirehli texnikalar da var.

Ali Məhkəmədə əməliyyat zamanı ələ keçirilən AOSSÖ-yə məxsus ev, avtomobil, qızıl-zinət əşyaları, valyuta və türk lirəsinin müsadirə edilməsinə qərar verilib. Təşkilatın müsadirə etdiyi malların cari bazar dəyərinin təxminən 5 milyard türk lirəsi olduğu təxmin edilir.

Əldə edilən məlumata görə, 3 ədəd "Range Rover", 1 ədəd "Mercedes S600", 1 ədəd "Toyota Land Cruiser" və "Jaguar" markalı avtomobil xəzinədarlığa təhvil verilib. Bununla yanaşı, həmin avtomoillərin hətta roketatar hücumlarına belə davamlı olduğu öyrənilib.

Qeyd etdiyimiz Təşkilatın üzvlərinə və idarəçilərinə məxsus 17 villa isə İstanbulun Beşiktaş, Kartal, Sarıyer və Tuzla rayonlarında yerləşir. Həmin mülklər Ali Apellyasiya Məhkəməsinin 1-ci Cəza Kollegiyasının qərarı ilə xəzinədarlığa verilib.

Telegramda izləyin