Avtomobillərin qəfil yanmasına səbəb NƏDİR? - VİDEO

Hərəkətdə olan avtomobil qəfildən alovlanır. Hadisə Qəbələdə baş verib. Sosial şəbəkələrdə yayılan kadrlardan aydın olur ki, minik avtomobili yanır. Bir neçə gün əvvəl isə Səbail rayonu ərazisində taksi yanıb. Hər iki hadisədə xəsarət alan olmayıb. Avtomobillərin, xüsusən yay aylarında yanmasına səbəb nədir. Texniki nasazlıq yoxsa isti hava?

Sonxeber.az xəbər verir ki, mövzu ilə bağlı "Xəzər Xəbər"in əməkdaşları araşdırma aparıb. Avtomobil ustası Sahil Ağabəyli deyir ki, yanğınlar adətən avtomobillərin elektrik naqillərinə edilən müdaxiləyə görə baş verir. Usta hesab edir ki, avtomobilə əlavə avadanlıq quraşdırılanda naqillər həmin yükü qaldıra bilmir. Nəticədə hadisələr qaçılmaz olur:

"Naqillərin özünə görə gücü var. Başqa heç bir şeyə icazə verilmir. Yəni əlavə quraşdırılanda avtomobillərdə yanma müşahidə olunur. Naqillərə müdaxilə etdikdə bu problem yaşanır".

Usta bildirib ki, çox nadir hallarda yanacaq sistemindən mühərrikə gedən borulardakı nasazlıq nəticəsində yanğın ola bilər.

Ətraflı "Xəzər Xəbər"in süjetində:

Telegramda izləyin