Market rolunu oynayan piyada İŞIQFORLARI - VİDEO

Paytaxta piyadaların, görmə qabiliyyəti məhdud olan insanların yolu qarşı tərəfə təhlükəsiz keçmələri üçün bəzi nizamlanan piyada keçidlərində sensor və ya düymə ilə idarə olunan işıqforlar quraşdırılıb. Bunlar quraşdırılan zaman piyadaların sevincinə səbəb olsa da, onların sevinci çox da uzun çəkməyib. Bəzi ərazilərdə bu qurğuların işləməməsi piyadaların hərəkətini çətinləşdirir. Belə faktlardan biri də Xətai rayon ərazisində - Xudu Məmmədov küçəsindədir.

Sonxeber.az xəbər verir ki, məsələ ilə bağlı "ATV Xəbər"in əməkdaşları süjet hazırlayıb:

"Aparatlar işləmir. Eyni zamanda piyadaların keçməsi üçün piyada xətti belə yoxdur. Bunlar bizim üçün problemdir. Biz görüb keçirik. Amma görməyən insanlar nə etsin?".

Məsələ ilə bağlı aidiyyəti qurumlardan bildirilib ki, qeyd edilən ünvanda işıqforun işıq siqnallarının işləməsinə baxmayaraq səs siqnallarında texniki problem yaranır. Mərkəz tərəfindən problemin həll edilməsi istiqamətində işlər görüləcək.

Ətraflı "ATV Xəbər"in süjetində:

Telegramda izləyin