Pərdəarxası DANIŞIQLAR: Zəngəzur dəhlizinin taleyi necə OLACAQ?

Ermənistan Xarici İşlər Nazirliyi Azərbaycan tərəfi ilə qarşılıqlı razılaşma əsasında sülh müqaviləsi layihəsindən regional kommunikasiyalar maddəsinin çıxarıldığını təsdiqləyib. Bunu açıqlamasında Ermənistan Xarici İşlər Nazirliyinin sözçüsü Ani Badalyan bildirib.

Danışıqlar prosesi davam etsə də, Zəngəzur dəhlizinin nə vaxt açılacağı bəlli deyil. Artıq bir çox ekspertlər hesab edir ki, Yaxın Şərqdə baş verənlər regionda "sönmüş ocaq"ları yenidən alovlandıra bilər. Bu baxımdan sülh müqaviləsi bağlandıqdan sonra Zəngəzur dəhlizinin taleyi necə olacaq?

Zəngəzur dəhlizinin açılması yaxud kommunikasiya əlaqələrinin bərpası məsələsinin Azərbaycan və Ermənistan arasında bağlanacaq sülh müqaviləsindən sonrakı mərhələyə saxlanılmasını hər iki tərəf təsdiqləyib.

Yəni Ermənistan XIN-nin sözçüsü və Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov bu məsələnin növbəti mərhələyə qaldığını ifadə ediblər. Zəngəzur dəhlizinin taleyinin bir qədər arxa plana keçirilməsi səbəbsiz deyil. Burada əsas məqam Ermənistanın və onun arxasında dayanan qərb dünyasının hələlik Zəngəzur dəhlizinin açılmasında maraqlı olmamasıdır. Hər halda qərb dövlətləri və Rusiya arasında bununla bağlı ciddi narazılıqlar var. Ortaq bir nöqtəyə gəlinməyib. Bu məsələdə görünür ki, Rusiyada dəhlizin sonrakı mərhələyə saxlanılmasında maraqlıdır".

Rusiya və qərb dövlətləri müəyyən mənada növbəti mərhələni məqsədəuyğun hesab ediblər.Mənə elə gəlir ki, xüsusilə qərb dövlətləri geri addım atıb. Rusiya ilə nisbətdə qərb dövlətləri daha maraqlı idisə, indi görünür geri çəkiliblər. İran ərazisindən yolun açılması məqsədəuyğun hesab olunmur. Hər halda bəzi İran-İsrail və Türkiyə-İsrail münasibətlərinin gərginləşməsi fonunda Zəngəzur dəhlizinin indiki anlamda açılması məqsədəuyğun deyil. Ona görə də hər iki tərəf buna uyğun qərar qəbul edib. Sülh müqaviləsi imzalandıqdan sonra bu məsələ gerçəkləşdirmək bilər. Ermənistanda konstitusiyasının dəyişdirilməli və Azərbaycanın digər şərtləri həyata keçirilməlidir. Bu baş verməsə, Zəngəzurun taleyi uzun çəkə bilər. Sülh müqaviləsi imzalandıqdan sonra da bu dəhlizin həmin vaxtlarda açılması çoxda real görünmür.

Xatırladım ki, bundan əvvəl Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov bildirmişdi ki, tərəflər nəqliyyat marşrutları, o cümlədən Azərbaycanı Naxçıvanla birləşdirən marşrutlar məsələsini sonrakı mərhələdə - sülh müqaviləsi imzalandıqdan sonra həll etmək barədə razılığa gəliblər.

Faiq Ələkbərli

Siyasi şərhçi

Telegramda izləyin