YAP-ın bir dairə üzrə iki namizədi var - "Birini "Google" belə tanımır..."

Namizəd olduğum 33 Saylı Xətai Birinci Seçki Dairəsində 11 deputatlığa namizəd qeydiyyatdan keçib. YAP-ın iki namizədi var. Doğrudur, YAP üzvlərindən biri şəxsi təşəbbüsü ilə verib, YAP-ın rəsmi namizədini isə "google" belə tanımır. Belə çıxır ki, əsas rəqibim digər hökumətyönümlü namizəd olacaq.

Pravda.az-ın xəbərinə görə, bunu iqtisadçı Natiq Cəfərli bildirib.

N.Cəfərli qeyd edib ki, seçkinin gözəlliyi debatdır, müzakirələrdir, platforma və ideyaların "savaşıdır": "YAP-ın birbaşa və dolayı namizədlərini debata dəvət edirəm. İstənilən TV-də canlı yayıma gəlsinlər danışaq, ölkədə siyasi diskurs yaradaq, müzakirə mədəniyyəti formalaşdıraq. İdeyaların, tezislərin, proqramların toqquşmasını xalq da görsün, seçkilərdə gördüyünə, eşitdiyinə görə qərar versin. Çünki debat elə bir siyasi alətdir ki, çox zaman kimin-kim olduğu üzə çıxır, deməyə sözü olan Deyir, illərdir bəlli əzbərləri təkrarlayanlar isə batır".

Telegramda izləyin