Toy sifarişləri ÇOXALIR: Qiymətlər arta BİLƏR - VİDEO

Məhərrəm ayının bitməsinə az qalmış şadlıq evlərində bütün yerlər bron edilib. inzibatçıların sözlərinə görə, növbəti aylar üçün yerlərin çoxu tutulub. Bildirilib ki, əvvəl həftəsonu toy sifariş verilirdisə indi həftə içi edənlərdə var.

Sonxeber.az xəbər verir ki, mövzu ilə bağlı "Xəzər Xəbər"in əməkdaşları araşdırma aparıb:

"Məhərrəmlik ayı sentyabr ayının 5-i bitir. 5-dən toylar başlayır. Düşən sentyabr-oktyabr aylarında böyük toylar var. Demək olar ki, sentyabr ayı doludur. Amma oktyabr aylarında müəyyən boşluqlar var. Hər il olduğu kimi, ölkəmizdə Məhərrəmlik ayından sonra toyların sıx olduğu vaxtlar başlayır".

İnzibatçılar deyirlər ki, kimsə toy etmək üçün sifariş versə, sentyabr-oktyabr aylarında istədiyi yeri tapa bilməyəcək. Bəs müştəri çoxluğu qiymətlərə təsir edəcəkmi?

"Hələlik qiymətlərdə dəyişiklik etməmişik. Lakin qarşıda qiymətlərdə artım gözlənilir. Artımın səbəbi ölkəmizdə bazarın bahalaşması ilə əlaqəlidir. Bu baxımdan qiymətlərdə artım etməmişik. Qiymətlər isə 60-80 manat aralığında dəyişir".

Ətraflı "Xəzər Xəbər"un süjetində:

Telegramda izləyin