Nikahların sayı niyə azalıb ? - AÇIQLAMA

Bu ilin yanvar-iyun aylarında Ədliyyə Nazirliyinin rayon (şəhər) qeydiyyat şöbələri tərəfindən 22250 nikah və 10430 boşanma halları qeydə alınb. Bu barədə Dövlət Statistika Komitəsi məlumat yayıb. Bildirilib ki, ötən ilin müvafiq dövrü ilə müqayisədə əhalinin hər 1000 nəfərinə nikahların sayı azalaraq 4,8-dən 4,4-ə düşüb, boşanmaların sayı isə dəyişməyərək eyni səviyyədə (2,1) qalıb.

Bəs görəsən nigahların sayı niyə azalıb ?

Mövzu ilə bağlı Sonxeber.az -a açıqlama verən sosioloq Elçin Bayramlı bildirib ki, bunun iki əsas səbəbi var:

"Son illərdə boşanma evlənmə nisbətində çox ciddi disbalans var. Boşanmalar 50 faizə çatıb. Bu dünya liderinə çevrilmiş epofaciəvi bir vəziyyətdir. Boşanmalar günü-gündən artarkən evlənmələr də eyni sürətlə azalır. Bunun iki əsas səbəbi var. Birincisi mənəvi, psixoloji dekredasiyadır. Gənclərlə bağlı aparılan təbliğatlar bir neçə istiqamətdədir. Məsələn gənclərə təbliğ olunur ki, qətiyyən evlənməyin, karyera qurun, iş və təhsili ön planda tutun. Bu da çox zərərli təbliğatdır və nəticələrini görürük. Digər bir tərəfdən gənclərə daim əyləncə təbliğ olunur və onların da fikirləri belə formalaşır ki, evlənib ailəyə diqqət göstərmək, pul xərcləməkdənsə bunu özünə sərf etsin. Bu kimi aparılan kütləvi təbliğatlar dəyərləri, düşüncələri çox mənfi istiqamətdə dəyişdirib. Bunun qarşısını heç kəs almır. Nə dövlət nə cəmiyyət buna dur demir. Biz beləliklə milli genofondumuzu, ailə insitutumuzu məhv edirik. Bunun qarşısını almaq üçünsə heç nə eləmirik. Əksinə evlənmələrin azalması üçün hər cür şərait yaradırıq"

O həmçinin bildirib ki ölkədəki işsizlik halı da gəncləri evlənməkdən çəkindirən əsas səbəblərdən biridir:

"Ölkədə iş yerlərinin olmaması, olanların da maaşlarının çox aşağı olması gəncləri evlənməkdən çəkindirir. Bu gün Azərbaycanda gənclərin ən azı 90 faizinin ev almaq imkanı yoxdur. Bizdəki maaşlarla yalnız kirayə pulunu ödəmək mümkündür. Ona görə də evi olmayan, özünü belə çətinliklə dolandıran gəncdən evlənməyi gözləmək olmaz. O heç toy xərcini belə ödəyə bilməz. Bu da sosial problemlərin təsiridir. Bəzi ölkələrdə dövlət ailə quran gənclərə müəyyən bir vəsait verir. Güzəştli ödəmə şərtləri ilə evlər verir, işlə təmin edir. Amma bizdə gənclər üçün heç bir sosial dəstək yoxdur. Bu cür davam etsək vəziyyət ildən ilə daha da pisləşəcək".

Çiçək Sadatova

Telegramda izləyin