Ali məktəblərə qəbul ola bilməyən tələbələr niyə xaricə ÜZ TUTURLAR? - VİDEO

Qəbul imtahanlarında 27227 abituriyent ali məktəblərə qəbul olmadı. Onların əksəriyyəti universitetə qəbul olmağın başqa yollarını axtarırlar. Kəsişdikləri nöqtə isə eyni olur. Xaricdə təhsil almaq. Bu isə bir çox şirkət üçün göydəndüşmə fürsət olur. İllərdir bazarda olanlar, sonradan bu sahəyə gəlir məqsədilə yanaşanlar bu məqamda ortaya çıxır və diqqətçəkən kampaniyalara start verirlər. Maraqlı təkliflər ilə müştəri gözü ilə abituriyentləri razı salmağı da bacarırlar. Xaricdə təhsil alan abituriyentlər nə qazanıb, nə itirəcəklər?

Sonxeber.az xəbər verir ki, mövzu ilə bağlı "ARB Xəbər"in əməkdaşları araşdırma aparıb:

"İmtahanda az bal toplasam da təhsil almaq istəyirəm. Buna görə də şirkətlərə üz tutdum. Ukraynaya gedəcəm. Orada təhsil alacam".

Bu fikirlə xaricə üz tutanlar gedəcəkləri yerdə nə ilə qarşılaşacaqlarını təbii ki, bilmirlər. Bildikləri müəyyən ödəniş qarşılığında seçim etdikləri şirkətlərin bəzəkli cümlələri ilə verdikləri vədlərdir. Məsələn: "Attestatı gətir, ödənişi et, səni elə bir universitetə göndəririk ki, oxuyub gələn kimi diplomun tanınacaq. Ən qəribəsi isə odur ki, bunu həm əyani, həm də qiyabi təhsil üçün şamil edirlər:

"Əgər Rusiya və Ukraynada təhsil alırsınızsa 100 faiz diplomunuz tanınır. Türkiyədə də diplomu tanınan tələbələrimiz var. İlliyi 1880 manat arasındadır. Ofis və xidmət haqqı isə 500 manatdır. Tələb olunanlar isə attestat və qiymət cədvəlidir".

Bəs həqiqətənmi xaricdə təhsil almaq bu qədər asan və əlçatandır. Belə çıxır ki, heç bir imtahan verməyən abituriyent yalnız bir sənəd təqdim etməklə Azərbaycanda qazana bilmədiyi uğuru başqa ölkə də qazanacaq ?

Ətraflı "ARB Xəbər"in süjetində:

Telegramda izləyin