Bu avtomobillər niyə SIĞORTALANMIR? - VİDEO

Təxminən iki ildir ki, mühərrikinin həcmi 2-2-dən az olan avtomobillərin sığortalanmasında problemlər meydana çıxır. Buna səbəb kiçik mühərrikli avtomobillərin əsasən taksi fəaliyyətində istifadə olunmasıdır. Belə ki, sığorta şirkətləri taksi kimi istifadə olunan avtomobillərin daha çox qəza olması ehtimalı səbəbindən onları sığortalamaq istəmirlər. Bu yaxına qədər bəzi sığorta şirkətləri həmin avtomobilləri sığorta edirdi. İndi isə demək olar ki, heç bir sığorta şirkəti kiçik mühərrikli avtomobilləri sığorta etmir. Bəzi şirkətlər isə sığorta müqabilində əlavə ödəniş tələb edir.

Sonxeber.az xəbər verir ki, mövzu ilə bağlı "Apa TV"nin əməkdaşları araşdırma aparıb:

"Avtomobili sığortalamaq üçün əlavə qeydiyyat zamanı texniki problemlər ortaya çıxır. Bu da sığorta şirkətlərinin yaratdığı süni əngəldir. Siz əgər sığorta şirkətlərinin saytına daxil olsanız, orada qeyd olunur ki, hansısa saytda problem yaranıb. Vətəndaşlara tövsiyə edirlər ki, sığorta şirkətlərinin baş ofislərinə yaxınlaşsınlar. Bu da yenidən istehlakçı hüquqlarının pozulmasıdır".

Ətraflı "Apa TV "nin süjetində:

Telegramda izləyin