Dünyanın ən böyük şəhərlərinə gedir, başqalarının evində PULSUZ YAŞAYIR

Bir qız iş axtarmaq üçün ölkənin müxtəlif yerlərində minlərlə vakansiya təklif edən "Trusted Housesitters" proqramından istifadə edir. Britaniyalı Emma Truskot bir neçə ildir ki, başqalarının evində yaşayır. Emma həmin evin kirayə haqqını, kommunal və yemək xərclərini ödəmir.

Sonxeber.az xəbər verir ki, qızın hekayəsi ilə bağlı "The Sun" nəşri məlumat verib. Emma peşəkar xadimədir. O, bitkiləri sulayır, zibilləri çıxarır və ev sahiblərinin heyvanlarına qulluq edir. 2022-ci ilin iyulunda Londona səfəri zamanı o, ilk dəfə belə fəaliyyətlə məşğul olub. Bu müddət ərzində o, 29 fərqli evdə yaşayıb. Emma bildirib ki, bu müddət ərzində ildə 12 min funt-sterlinq qənaət etməyi bacarıb.

Ümumilikdə Emma London, Mançester, Edinburq, Dublin, Belfast, Vyana, Berlin kimi şəhərlərdə yaşayıb. Hazırda isə Emma Parisdə həyatına davam edir. O, tezliklə Belçikaya işləməyə getməyi planlaşdırır:

"Xərc problemim olmur. Bu cür həyat tərzini sevirəm. Pulsuz yaşayış və yemək var. Heç bir xərcim yoxdur. Qazandığım bütün pulları istədiyim yerə xərcləyə bilirəm. Ən böyük üstünlük isə müxtəlif şəhərlərdə və ölkələrdə yaşaya bilirsən. Dünyanın hər bir yerini görürəm və heç bir şey ödəmirəm".

Emmanın sözlərinə görə, bu müddət ərzində hər hansı neqativ hallar ilə üzləşməyib. Bu onun həyatının ən böyük təcrübəsidir.

Telegramda izləyin