Bakıda yeniyetmənin uşaq evində təhqirə və zorakılığa məruz qalması ilə bağlı ARAŞDIRMALARA BAŞLANILDI

Xətai rayonunda yerləşən Sosial Xidmətlər Agentliyinin tabeliyindəki 3 saylı uşaq evində təhqirə və zorakılığa məruz qalan 13 yaşlı yeniyetmə oradan qaçıb.

Daxili İşlər Nazirliyinin (DİN) Mətbuat Xidmətinin əməkdaşı İbrahim Əmiraslanlı Oxu.Az-a açıqlamasında bildirib ki, yeniyetmənin səsləndirdiyi iddialarla bağlı araşdırmalara başlanılıb:

"Yetkinlik yaşına çatmayan şəxs polis və aidiyyəti dövlət qurumlarının əməkdaşları tərəfindən digər sığınacağa yerləşdirilib. Onun səsləndirdiyi iddialarla bağlı müvafiq araşdırma aparılır".

***
Xətai rayonunda yerləşən 3 saylı Uşaq Evində müəllimə uşağın ayağını qırıb.

Sonxeber.az xəbər verir ki, ARB televiziyasında yayımlanan "Səni Axtarıram" verilişininə müraciət edən və 3 saylı Uşaq Evində böyüyən 13 yaşlı Ramal bildirib.

Uşaq bildirib ki, 8 gündür küçələrdə qalıram:

"Mən əvvəl Xətai rayonunda yerləşən 3 saylı Uşaq Evində qalırdım. Mən ordan qaçmışam və oraya qayıtmaq istəmirəm. Orada bizi döyürlər. Hər gün uşaqları döyürlər. Müəllimə tərbiyəçiyə dedi ki, Elvin adlı uşağın ayağın sındırın. Müəllimlər uşaqları cəzalandırmaq üçün onları ikinci mərtəbədəki pencərədən aşağı atırdılar. Uşaqları hər gün söyür, ana-atalarını təhqir edirdilər. Müəllimlər bizə deyirdi ki, siz tərbiyəsiz qadınların uşaqlarısınız. Təhqirlərə dözməyib,ayaqyolunun pencərəsindən tullanıb, qaçdım. Mən bir neçə dəfə oradan qaçmışam. Axşamlar bizə quru çörək verirdi. Məhəmməd adlı uşaq da bizlə qalırdı. O, bizə kömək etmək istədi. 3 saylı Uşaq Evinin direktoru Günay xanımdır. O, da digəri kimi bizə işgəncə verir. Mən ora qayıtmaqdan qorxuram. Orda bizə işgəncə verirlər. Bizi dəhlizdə və ayaqyolunda döyürlər. Çünki orada kamera yoxdur. Otaqda da bizi döyəndə kameradan görüntüləri silirəm.

Mən bura tək özüm üçün deyil, oradakı bütün uşaqlar üçün sizə müraciət edirəm. Bizə verdikləri ətin içindən qurd çıxır. Bizi orda çox incidirlər. Bəzən də müəllimlər ordakı böyük uşaqlara bizi döydürürdülər. Çəkiliş olanda bizi müəllimlər bizi şantaj edirlər ki, döyüldüyümüzü deməyək. Oradan çox uşaq qaçıb. Mənim anamı təhqir edən Samirə adlı müəllimədir. O, hər zaman mənim anamı təhqir edirdi. Məni oraya nənəm qoyub. Mənə orada deyirdilər anam ölüb, atan da xaricə gedir. Təzə direktor Günay da məni kitabxanda döyüb. Məni oraya qaytarsanız müəllimlər və orada öyrədilən böyük uşaqlara məni döydürüb, öldürəcəklər. Məhəmmdə düz danışırdı. Bizə öyrətdilər ki, Məhəmmədin əlehinə danışaq. Bizə deyirdilər ki, həqiqətləri danışsanız sizi çırpacağıq".

Telegramda izləyin