Abortların qarşısının alınması üçün dövlət müəyyən tədbirlər görməlidir - AÇIQLAMA
Son illərdə abort edənlərin sayı 2 dəfədən çox artıb. Belə ki, 2010-cu ildə qeydə alınan abortların sayı 26801 olub. Yəni son 13 ildə abort edənlərin sayı 2.7 dəfə artıb. Abort edənlərin çoxu gəncdir. 2023-cü ildə abort edən qadınların 50 faizdən çoxu, yəni 37 min nəfəri 15-29 yaş aralığındadır. Statistikaya görə, ötən il 15-17 yaş aralığında 68 qadın, 18-19 yaş aralığında olan 2528 qadın abort etdirib.
Bəs görəsən abortların qarşısını almaq üçün hansı addımlar atılmalıdır ?
Mövzu ilə bağlı Sonxeber.az- a açıqlama verən sosioloq Lalə Mehralı bildirib ki, abortların qarşısının alınması üçün dövlət müəyyən tədbirlər görməlidir:
"Bu məsələ günü-gündən daha təhlükəli bir hal alır. Dövlət bununla bağlı mütləq şəkildə tədbirlər görməlidir. Abortun hansı halllarda mümkün olub, hansı hallarda qadağan edilməsi ilə bağlı bir qayda tərtib edilməlidir. Bütün tibb müəissiələrinə bununla bağlı göstəriş verilməlidir. Qadınlar maarifləndirilməlidir. Onlara hamiləliyin qarşısını almaq üçün metodlar öyrədilməlidir. Arzuolunmaz hamiləlikdən qorunmaq üçün kifayət qədər çox vasitə var. Bir abortun qiymətinə bir neçə belə vasitəni tətbiq eləmək olar. Bir abort 250-300 manat arasıdır, halbuki bu qiymətə 3 dəfə hamiləlikdən qorunma vasitəsi tətbiq etmək olar. Məsələn uşaqlıqdaxili spirallar qadını 99 faiz hamiləlikdən qoruyur. Uşaqlıqdaxili spiralın qiyməti təxminən 100 manat civarındadır. Bunu qadınlar o qədər də düşünmür. Onların əksəriyyəti üçün aborta getmək daha loyaldır. Məncə sığorta vasitəsi ilə qadınların bir-neçə ildən bir bu kontroseptivlərlə təmin olunması təşkil edilə bilər. Bir uşaqlıqdaxili spiralın bədəndə qalma müddəti 3 və 5 il arasıdır. 3 ildən bir bunu bir qadın sığorta vasitəsi ilə özünə tətbiq etdirə bilər. Düşünürəm ki, bunu sığortaya salmaqla abortun qarşısını almaq olar".
Lalə Mehralı vurğulayıb ki, əgər bir tədbir görülməsə, abortların sayı daha da artacaq:
"Bu isə həm genefondun təhlükəyə girməsi, həm də qadınn sağlamlığının birbaşa hədələnməsi deməkdir. Biz bütün mənəvi tərəfləri kənara qoysaq və məsələyə sadəcə tibbi tərəfdən baxsaq görərik ki, qadın orqanizmi bir abortla olduqca böyük zərər görür. İnsan canına qıymaq bütün hallarda cinayətdir. Bu insan ana bətnində olsa da, doğulmuş olsa da. Ana bətnində bir aylıq döl artıq yaşayan insan deməkdir. Onu abort vasitəsi ana bətnindən vəhşicəsinə xaric eləmək cinayətdir. Bu cinayəti bu gün bütün tibb müəissiələrində törədirlər".
Çiçək Sadatova
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş