Müəllimlər kommunal xərclərdən azad OLUNA BİLƏRMİ? - AÇIQLAMA

Bu gün müəllimlərin sosial təminatının yaxşılaşdırılması ilə məsələsi daim müzakirə olunan mövzulardandır. Eyni zamanda, məktəbdə kişi müəllimlərinin məktəbdə sayı azalıb. Eyni zamanda müəlimlərə dövlət qulluğu satusu verilməsi məsələsi gündəmə gəlsə də reallaşmır. Çünki ekspertlər bildirir ki, "Dövlət qulluğu haqqında" Azərbaycan Respublikası Qanununun göstərilmiş hallar müəllim peşəsi ilə uyğunluq təşkil etmir. Ona görə də müəllimlərə bu statusun verilməsi nə qanunvericiliyə uyğundur, nə də müzakirə olunur.

Bəs müəllimlərin sosial vəziyyətinin yaxşılaşdırılması və kişiləri müəllimliyə cəlb etmək məqsədilə müəllimlər kommunal xidmətlərdən azad oluna bilərmi? Mövzu ilə bağlı Sonxeber.az-a danışan sosioloq Mətanət Məmmədova deyib ki, müəlimlərin sosial təminatı məsələsi və kişi müəllimlərin məktəb uzaqlaşmasi bir neçə il əvvəldən yaranan problemdir:

"Kişi müəllimlərinin məktəbdən uzaqlaşma səbəbini ortaya qoyan yoxdur. Məktəblərdə əməkhaqqının az olması kişilərin müəllimlikdən uzaqlaşmasına səbəb olub. Bildiyimiz kimi, ailədə aparıcı qüvvədir. Onun qazancı bütün ailə idarə olunur. Elə olur ki, kişi müəllimlərinin həyat yoldaşları işləmir. Onlar tək aldıqları məvacib ilə ailələrini dolandırırlar. Aldıqları əməkhaqqı ailənin gündəlik yaşamını, ehtiyaclarını qarşılaya bilmədiyi üçün məktəblərdən uzaqlaşıblar. Ölkə üzrə çox az məktəblərdə kişi müəllimlər qalıb və sayı azalmaqda davam edir. Müəllimlər ilk növbədə dövlət qulluqçularıdır. Çünki onlar gələcəyin dövlət qulluqçularını yetişdirir. Onlara bu status onlara düşür və verilsə yaxşı olar. Əgər bu status olarsa, onların əməkhaqlarıda qalxacaq".

Ekspertin sözlərinə görə, kommunal xidmətlərin azaldılması isə kişi müəllimlərini məktəbə cəlb edə bilməz:

"Çünki kommunal xidmətlər böyük məbləğ tutmur. Belə olan təqdirdə müəllimlərə dövlət qulluğu statusunun verilməsi ilə gənclərimizin tərbiyəsində böyük irəliləyiş əldə etmiş olarıq. Bu gün məktəblərdə kişi müəllimlərinin olması oğlan uşaqlarının qız kimi böyüməsi ilə nəticələnir. Çünki qadın müəllimlərinin onlara yanaşması başqa cürdür. Uşaqlar o qədər qadın və qızların əhatəsində olurlar ki, oğlan uşaqları axırda özlərini qız kimi aparırlar. Ailədə oğlan uşağı birinci doğulubsa, ondan sonra dünyaya gələn qız müəyyən qədər oğlan xarakterli olur. Əgər tərsinə olursa əks proses baş verir. məktəblərdə müəllimlərin bölgüsü, kişilərin və qadınların sayı yarıbayarı olmalıdır. Burada həm oğlan, həm də qız şagirdlər təhsil alır. Təhsil ilə birlikdə, onların tərbiyə prosesi həyata keçirilir. Ona görə də dövlətimiz yaxın gələcəkdə öz münasibətini bildirəcəkdir. Müəllimlərin əmək haqlarını artırmaqla və dövlət qulluqçusu statusunu verməklə kişi müəllimlərinin maraqlarını artıracaq".

Sevda Səfərova

Telegramda izləyin