Nazir xanım idarə rəisini təqaüdə göndərdi - Yoxlama aparılıb?

Fövqəladə Hallar Nazirliyinin (FHN) Mühasibat Uçot İdarəsinin rəisi vəzifəsindən azad edilib.

Sonxeber.az-ın Qaynarinfo-ya istinadən məlumatına görə, bununla bağlı fövqəladə hallar naziri general-polkovnik Kəmaləddin Heydərov əmr imzalayıb.

Nazirin əmri ilə hərbi polkovnik Flora Niftiyeva Qəzənfər qızı Maliyyə İqtisadiyyat Baş İdarəsinin Mühasibat Uçot İdarəsinin rəisi vəzifəsindən azad olunaraq, son yaş həddi ilə əlaqədar təqaüdə göndərilib.

Əldə etdiyimiz məlumata görə, FHN-nin nəzarət təftiş komissiyasının rəisi, "Tuz Qəşəm" ləqəbli ilə tanınan Qəşəm Məmmədovun sözügedən idarədə keçirdiyi yoxlamadan sonra idarənin rəisi vəzifəsindən azad olunub.

Flora Niftiyeva vəzifəsindən azad edilməsi ilə bağlı məlumatı Qaynarinfo-ya təsdiqləyib. Xanım polkovnik bildirib ki, vəzifəsindən yoxlamaya görə deyil, son yaş həddi ilə əlaqədar azad edilib:

"Mən 4 il əvvəl səhəttimlə bağlı rəhbərliyə (Nazir Kəmaləddin Heydərov-red.) müraciət etmişdim. Amma sağ olsunlar, təqaüd yaşım çatandan sonra müraciətim qəbul edildi".

Telegramda izləyin

instagramda izləyin