Ayaqyolunun qarşısında tikilən qanunsuz hotel ilə bağlı İcra Hakimiyyətindən MÜNASİBƏTİ

Xəbər verdiyimiz kimi, vətəndaşın ayaqyolunun qarşısında qanunsuz hotel tikilir. Qanunsuz hotel tikintisi ilə bağlı məsələyə Lənkəran Rayon İcra Hakimiyyəti münasibət bildirib.

Qurumdan Sonxeber.az-a verilən məlumata görə, vətəndaşın müraciəti araşdırılarkən müəyyən edilmişdir ki, o gonşusu Süleyman Rzayevin yaşadığı 1 mərtəbəli evinə bitişik inşa etdiyi əlavə tikilinin pəncərə boşluqlarının bağlanılmasını tələb edir.

"Məlumat üçün bildiririk ki, S.Süleymanov tərəfindən 7x4 metr ölçüdə bir mərtəbəli tikinti işlərinə dair Lənkəran şəhər XDS İcraiyyə Komitəsinin 21 oktyabr 1965-ci il tarixli 19 nömrəli iclas protokolundan çıxarışına əsasən sözügedən ünvanda yaşayış sahəsi 6 kv.m olan evinə yaşayış sahəsi 16 kv.m olan əlavə otaq artılmasına icazə verildiyi müəyyən edilmişdir"

Qeyd olunanları nəzərə alaraq A. Kərimovaya şifahı və rəsmi qaydada izah verilib

"Qonşusu tərəfindən inşa edilmiş bir mərtəbəli tikilinin söküntüsü və ya onun yaşadığı evə tərəf saxlanılan pəncərə boşluqlarının bağlanılması barədə qərar qəbul edilməsi inzibati icraat qaydasında məhkəmədə mübahisələndirilməsi məqsədə müvafiqdır. Məhkəmənin qərarından asılı olaraq tədbirlər görülə bilər. Əlavə olaraq bildirirk ki, sözügedən ünvanda A Kərimovanın qonşusu tərəfindən hər hansı bir otel tikintisi aşkarlanmamışdır"

Telegramda izləyin