Paşinyan Ərdoğanın kitabını niyə sinəsinə sıxdı?..

Bir müddət öncə jurnalistlər Ermənistanın iqtisadiyyat naziri Gevorq Papoyandan baş nazir Nikol Paşinyanın Türkiyə prezidenti Rəcəb Tayyib Ərdoğanın Nyu-Yorkda ona hədiyyə etdiyi kitabı sinəsinə sıxmasının səbəbləri haqda nə düşündüyünü soruşsalar da, o istənilən cavabı verməyib.

Moderator.az xəbər verir ki, bu haqda "Hraparak" məlumat yayıb.

Jurnalistlərin sualına cavabında "Mən bu mövzuda danışmağı məqsədəuyğun hesab etmirəm" deyən erməni nazir "Bəs siz nə təklif edirsiniz? Ermənistan qonşuları ilə diplomatik əlaqələr qurmamalıdır, Ermənistan özü-özünə yeni düşmənlər yaratmalıdır?", -deyə onlara əks sualla müraciət edib.

Xatırladaq ki, sentyabrın 25-də Türkiyə Prezidenti Rəcəb Tayyib Ərdoğan Nyu-York şəhərindəki "Türk Evi"ndə Ermənistanın Baş naziri Nikol Paşinyanla görüş keçirib. Görüş zamanı Türkiyə lideri Paşinyana müəllifi olduğu "Daha ədalətli dünya mümkündür" kitabını hədiyyə edib. Kitabda Türkiyənin regional maraqları əks olunub. Foto və videolarda Paşinyan həmin kitabı sinəsinə sıxaraq, uşaq kimi sevincək, ürəkdən gülümsəyərək görüntülənib.

Telegramda izləyin

instagramda izləyin