"Bakıxanov" çörək zavodu əcnəbi işçilərə görə məhkəməyə verildi

"Bakıxanov-Çörək" zavodu məhkəməyə verilib.

Lent.az xəbər verir ki, zavodun fəaliyyətində nöqsan aşkarlanıb.

Belə ki, miqrantların "Bakıxanov-Çörək" zavodunda qanunsuz işə cəlb olunması halı üzə çıxıb. Buna görə də, Açıq Səhmdar Cəmiyyəti barəsində İnzibati Xətalar Məcəlləsinin 578.1-ci (İşəgötürən tərəfindən Azərbaycan Respublikası Miqrasiya Məcəlləsinin tələbləri pozulmaqla iş icazəsi alınmadan əcnəbinin və ya vətəndaşlığı olmayan şəxsin işə cəlb edilməsinə görə) maddəsilə protokol tərtib olunub.

İnzibati xəta üzrə tərtib olunan protokola Sabunçu rayon Məhkəməsində baxılacaq.

Protokola əsasən vəzifəli şəxslər üç min manatdan dörd min manatadək məbləğdə, hüquqi şəxslər on beş min manatdan iyirmi min manatadək məbləğdə cərimə edilir.

Telegramda izləyin

instagramda izləyin