1 saylı Uşaq Evində VƏHŞİLİK: "Müəllimə cəza vermək üçün uşağa şampun içizdirdi"

4 saylı Uşaq Evində uşaqları döyür, səhərə qədər ayaqyolunda saxlayırlar.

Sonxeber.az-a xəbər verir ki, bunu ARB televiziyasında yayımlanan "Səni Axtarıram" verilişinə çıxan və bir müddət 4 saylı Uşaq Evində qalan 11 yaşlı uşaq bildirib.

O, qeyd edib ki, orada uşaqları milçək öldürənlə döyürlər:

"1 saylı Uşaq Evində də bizə işgəncə verirdilər. Uzun müddət ayaq üstə saxlayırdılar. Gecələr yata bilmirdik. Qapını açıq qoyurdular ağcaqanadlar bizi yeyirdi. Xəstələyəndə dərman istəyirdik. Müəllimlər bizə deyirdi ki, bura dədənizin apteki deyil. Balaca qardaşımı ayrı qrupa vermişdilər. Qardşım oturanda onu iplə bağlayır, tək ayaq üstə saxlayırdılar. Bir dəfə də qardaşım oyuncağı götürmək istəyəndə onu iplə bağladılar. Bizə işgəncə verən müəllimələr Kəmalə və Nərminə idi. Bizi həm də 14 yaşlı uşaqlara döydürürdülər. Ağzımıza şampun tökürdülər. Bir qız var idi. Onu döymüşdülər. O da anasına demişdi. Onlar acığa şampunu uşağın ağzına tökdülər. Qız ölürdü. Təcili tibbi yardım çağırdılar. Qızın anası və polislər gəldi. Bizə verdikləri ətin içində qurd olurdu. Məcbur edirdilər ki, qurdlu əti yeyək".

Telegramda izləyin