"Bədən şəkilləndirmə əməliyyatı ölümlə nəticələnə bilər" - AÇIQLAMA

Azərbaycan plastik cərrah bədən şəkilləndirmə əməliyyatı adı altında qadından 4500 manat pul alıb.

"Əməliyyatdan sonra cəmi 3 kiloqram itirmişəm. Bədənim də böyük yaralar var. Həkim Vüsal Abullayev tək məni yox digər qadınları pis vəziyyətə qoyub. Dəfələrlə ona müraciət etdim ki, məni normal vəziyyətə qaytar. O həkimi mənə rəfiqəm məsləhət görüb. Özü isə başqasına etdirdi. 5 aydır ki, yaralarım sağalmayıb. Hərəkətim məhdudlaşıb və vəziyyətim yaxşı deyil" , - deyə qadın bildirib.

Bəs görəsən son dövrlər populyarlaşan bədən şəkilləndirmə əməliyyatlarının insan orqanizminə nə kimi zərərləri var?

Mövzu ilə bağlı Sonxeber.az- a açıqlama verən tibbi ekspert Rasif Bağırov bildirib ki, bu tip əməliyyatlarının ölümlə nəticələnmə ehtimalı var:

"İnsan orqanizmində aparılan bütün əməliyyatlrın tibbi göstərişi olmalıdır. Əgər doğurdan da insanın bədəninin bir yerində anadangəlmə və ya sonradan yaranan nəsə eybəcərlik varsa bu zaman tibbi müdxiləyə əsas var. Amma arzu-istəklə bədən şəkilləndirmə əməliyyatına girmək risklidir. Çünki insan orqanizmində aparılan əsassız hər hansı bir kəsik belə ölümlə nəticələnməyə səbəb ola bilər. Dünyanın hər yerində, o cümlədən, ölkəmizdə bəzi insanlar risk edib bu əməliyyatlara girirlər. Bizdə də bu məsələ ilə bağlı konkret bir qanun yoxdur ki, həmin qanuna əsaslanaraq xəstələrə cavab verilsin. Buna görə də insanlar vəziyyətdən istifadə edərək belə əməliyyatlara girirlər. Bu barədə bir qanun qəbul edilsə, həmin qanuna istinad edib nəsə tədbir görmək olar. Estetik əməliyyatın aparılması insan bədəninə birbaşa müdaxilədir. Bu əməliyyatların hər birində insanın həyatını itirmə təhlükəsi var. Bu cür hadisələr baş verəndə də hüquq-mühavizə orqanları işə qarışır. Məsələ uzanır. Ona görə də tibbi göstəriş olmadan müəyyən əməliyyatların həyata keçirilməsi düzgün deyil. Bədənşəkilləndirmə əməliyyatları çox təhlükəlidir. İnsanlar bu əməliyyat üçün həkimə müraciət edən zaman həkimlər xəstəyə qabaqcadan bütün təhlükələr barədə xəbərdarlıq etməli və xəstələr də bunu nəzərə almalıdırlar".

Çiçək Sadatova

Telegramda izləyin