Oğurlanmış 1 milyon manatlıq Ferrari AirPods sayəsində tapıldı

Maşında olan AirPods sayəsində təxminən 1 milyon manat dəyərində olan bir Ferrari tapıldı. Apple-ın cihazların uzaqdan idarəsinə imkan verən "Find My" texnologiyası qiymətli əşyaların tez-tez itirilməsinin qarşısını alır.

Sonxeber.az xarici mediaya istinadən xəbər verir ki, ABŞ-ın Konnektikut ştatında baş verən hadisədə bu xüsusiyyət sayəsində oğurlanmış Ferrari tapılıb. 2023 model lüks idman avtomobilinin dəyəri 575 min dollar, yəni təxminən 1 milyon manat dəyərindədir.

Konnektikut ştatının Uoterberi şəhərində baş verən hadisədə naməlum şəxs Ferrari markalı avtomobili oğurlamağı bacarıb. Digər tərəfdən, o, avtomobilin içindəki AirPods qulaqcığını avtomobildən çıxartmayıb. Sonra Apple-ın "Find My" funksiyası işə düşüb. Bu xüsusiyyət sayəsində nəqliyyat vasitəsinin sahibi və polis avtomobili izləyə bilib.

Polisin hadisə ilə bağlı verdiyi məlumata görə, Ferrari Qrinviç adlanan ərazidə oğurlanıb. Daha sonra polis oğurlanmış avtomobili tapıb və dayandırıb. Bunun üzərinə avtomobili oğurlayan şəxs maşını kənara çəkdikdən sonra qaçaraq gözdən itib. AirPods-u izləyən polis qrupları avtomobili yanacaqdoldurma məntəqəsində tapa bilib.

Təxminən 1 milyonluq avtomobilin 460 manat dəyərində qulaqcıqlar sayəsində oğurlandıqdan sonra tapılması maraqlı bir vəziyyət idi. Digər tərəfdən, bu vəziyyətdən çıxarıla biləcək dərslər də var. Avtomobilləri daha yaxşı qorumaq və ya oğurlandıqları halda daha asan tapmaq üçün "AirTag" tipli texnologiyalara üstünlük verilə bilər.

Vüsalə İbrahimli

Telegramda izləyin