Müəllimlər niyə intihar edir? - AÇIQLAMA

Bu həftə Azərbaycanda iki müəllim intihar edib. Bu kifayət qədər ciddi bir məsələdir. Əvvəllər ali təhsil müəissiələrinə qəbul olmayan yeniyetmələrin intihar xəbərlərini görürdük, indi isə artıq onlara elm öyrədən, təhsil verən müəllimlərin də intihar hallarına rast gəlirik.

Bəs görəsən müəllimlərin intihar etmələrinə səbəb nədir?

Mövzu ilə bağlı Sonxeber.az – a açıqlama verən Sosial Tədqiqatlar Mərkəzinin sektor müdiri, təhsil tədqiqatçısı Elmin Nuri bildirib ki, intihar hadisələrini insanların müəllim kimliyi ilə əlaqələndirmək doğru deyil:

"Son günlərdə müəllimlər arasında yaşanan iki intihar hadisəsini böyük məyusluqla qarşılayırıq. Hər ikisinə allahdan rəhmət diləyirik. Təbii ki, səbəbindən və insanın uğrdığı problemlərdən asılı olmayaraq intihar istər insan xarakteri baxımından, istər dini zəmindən yolverilməz bir hadisədir. Mən yaşanan intihar hadisəsini, baş verən ailə faciəsini insanın peşəsi ilə qətiyyən bağlamaq istəməzdim. Bakıda bir kişi, Zaqatalada isə bir qadın müəllim intihar edib. Mən bu hadisəni qətiyyən onların peşəsi ilə və ya peşələrinin gətirdiyi dezavantajlarla əlaqələndirmək istəmirəm və bunun qəti əleyhinəyəm. Ola bilər kimsə düşünsün ki, adam müəllim işlədiyinə görə müəyyən maddi və ya psixoloji sarsıntı keçirib, bu da sonda onun intiharına səbəb olub. Bu fikirlə qətiyyən razılaşmaq olmaz. Bunlar müəllim adına və nüfuzuna xələl gətirmək üçün atılan manipulyativ addımlardır. Bundan əmin ola bilərsiniz".

Elmin Nuri qeyd edib ki, müəllimlik peşəsi əvvəlki kimi olmasa da, yenə də cəmiyyətdə nüfuzlu peşələrdən hesab edilir:

"Bizim cəmiyyətdə müəllimə olan münasibət başqa ölkələrdən müsbət istiqamətdə çox fərqlənir. Müəllimlərin əmək haqqı isə digərlər peşələrdən heç də pis deyil. Bu qətiyyən intihara səbəb ola bilməz. Ümumiyyətlə biz hər hansı bir intiharda maddi element axtarmamalıyıq. Bu mütəxxəsislərin, ekspertizanın və digər səlahiyyətli şəxslərin müəyyən edəcəyi bir işdir. Məsələyə təhsil prizmasından yanaşanda mənim deyəcəyim yeganə məsələ ortadakı sarı simin qətiyyən tapdalanmamasıdır. İntihar hadisələrinin insanın müəllim kimliyi ilə əlaqələndirilməsi qətiyyən doğru deyil. Ümid edirəm daha da olmaz. Hər bir insanın həyatında müəyyən problemlər olur, kimsə iradəsindən aslı olaraq bu addımı ata bilər, amma biz bunu onun peşəsi ilə əlaqələndirə bilmərik. Müəllimlik bu gün elə peşə deyil ki, onunla məşğul olan şəxslər intihar həddinə çatsın".

Çiçək Sadatova

Telegramda izləyin

instagramda izləyin