"Laçının MDB-nin mədəniyyət paytaxtı seçilməsi cənab prezident İlham Əliyevin uğurlu xarici siyasətinin nəticəsidir" - Emil Əkbərov

"Laçın şəhərinin 2025-ci ildə MDB-nin mədəniyyət paytaxtı seçilməsi cənab prezident İlham Əliyevin diplomatik cəbhədə növbəti qələbəsidir".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, bu gün Azərbaycanın xarici siyasətinin prioritet istiqamətlərindən biri də qonşu dövlətlərlə mehriban münasibətlər saxlamaqdır:

"Ulu öndər Heydər Əliyevin xarici siyasətini uğurla davam etdirən cənab prezident İlham Əliyev Rusiya ilə yaxşı münasibətlər qurmağı və regionda sülhün təmin edilməsi üçün birgə səylər göstərməyi davam etdirir. Bilirsiniz ki, oktyabrın 7-də cənab prezident İlham Əliyev Rusiyada səfərdə olub. Dövlət başçısı səfər çərçivəsində MDB dövlət başçılarının toplantısında iştirak edib və bir sıra ölkələrin liderlərilə görüşüb. Cənab prezident İlham Əliyevin Rusiyaya səfəri iki ölkə arasındakı dostluq münasibətlərini və hər bir sahədə olan əməkdaşlığı daha da inkişaf etdirəcək. Bu səfəri bizim üçün önəmli edən əsas hadisələrdən biri də Laçın şəhərinin 2025-ci ildə MDB-nin mədəniyyət paytaxtı seçilməsi oldu. Bu qərar hər bir azərbaycanlının böyük sevincinə səbəb oldu. Xüsusilə də 30 ilə yaxın vətən həsrəti çəkən laçınlıları. Laçının MDB-nin mədəniyyət paytaxtı seçilməsi tarixi hadisə və diplomatik qələbədir".

Emil Əkbərov qeyd edib ki, bu gün Azərbaycan xalqı cənab İlham Əliyev kimi dövlət başçısına sahib olduğu üçün xoşbəxtdir:

"Cənab prezident İlham Əliyevin bütün sahələrdə eləcə də hərbi quruculuq sahəsində apardığı uğurlu siyasət sayəsində ərazi bütövlüyümüzü və suverenliyimizi tam bərpa edildi. Laçın şəhərinin 2025-ci ildə MDB-nin mədəniyyət paytaxtı seçilməsi də cənab prezident İlham Əliyev tərəfindən aparılan uğurlu xarici siyasətin nəticəsidir".

Telegramda izləyin