Hansı ərazilərdə torpaq sürüşməsi gözlənilir? – AÇIQLAMA

Havaların soyuması, yağışların artması yollarda sürüşmə hallarını artırıb. Bu həm ərazidəki evləri həm də sürücüləri təhlükəyə atır. Bəs görəsən hansı ərazilərdə sürüşmə ehtimalı daha yüksəkdir?

Mövzu ilə bağlı ekoloq Ənvər Əliyev Sonxeber.az – a açıqlama verib:

"Adətən isti hava şəraitində torpaqda çatlar əmələ gəlir və yağış yağan kimi o çatlar dolur. Nəticədə həmin ərazidə sürüşmə əmələ gəlir. Bildiyimiz kimi meşə torpaqlarının üst qatı əsasən yarpaq tullantı, çürüntü, çör-çöp dolu olur. Bu da çürüməyə səbəb olur. Yağış yağanda həmin üst qatı yuyub aparır. Beləliklə yağış torpağın alt qatına çatır və sürüşmə əmələ gəlir.
Bundan sonra da tikinti gedən yollarda, dağlıq ərazilərdə sürüşmə hallarının yaşanması gözlənilir. Mən istəyərdim ki, yol ifrastukturu olan ərazilərdə sədlər çəkilsin. Həmin sədlər sürüşməyə imkan verməyəcək. Su axınlarını da istiqamətləndirmək lazımdır ki, o sular dayanıqlı dursun və sürüşməyə rəvac verməsin.

Bakıda həddindən artıq tikinti gedir, infrastuktur dəyişir. Belə yerlərdə də sürüşmələrin olması qaçılmazdır. Amma yenə də narahat olmağa dəyməz. Bakıda elə güclü sürüşmələr gözlənilmir. Çünki yağıntı azdır. Amma rayonlarda yağıntı çox olduğu üçün sürüşmə ehtimalı var".

Çiçək Sadatova

Telegramda izləyin