Şəhərin mərkəzində insanları narahat edən gül satanlara cəza tətbiq ediləcək? – AÇIQLAMA

Son günlər sosial şəbəkələrdə müzakirə olunan məsələlərdən biri şəhər küçələrində gül satışı edən şəxslərdir. Belə ki, bu işlə məşğul olanlar küçədə bəylərə yaxınlaşıb yanlarındakı xanımlara gül almalarını istəyirlər. "Yox" cavabını aldıqda isə israr edirlər. Hətta restoranlarda oturanlara belə yaxınlaşıb gül satmaq istəyənlər var. Vətəndaşlar bu haldan narahat olduqlarını bildirirlər.

Bəs görəsən bu şəxslərə müəyyən cəzalar tətbiq edilə bilərmi?

Mövzu ilə bağlı sosioloq Lalə Mehralı Sonxeber.az – a açıqlama verib:

"Azad bazardı, hər kəs istədiyini satmaqda azaddır. Lakin bunu başqalarının rahatlığını və azadlığını məhdudlaşdırmamaq şərti ilə edə bilər. Əgər nəsə satırsa, təklif edir, tələb varsa alınacaq, tələb yoxdursa israrçı olmamalıdır. Bizim gördüyümüz vəziyyətlərdə satıcılar israrçı olur, kobud desək "qır-saqqız olub yapışırlar". Xüsusilə də yanında gənc qız olan oğlanlara yaxınlaşırlar, onun utanacağını, israrlara dözə bilməyəcəyini bilirlər çünki. Satdıqları məhsulu real qiymətə təklif etsələr çox adam alar əlbəttə, lakin onlar bazar qiyməti 1 manat olan məksulu 10 manata təklif edirlər, bu da təbii olaraq etiraza səbəb olur".

Çiçək Sadatova

Telegramda izləyin