Azyaşlılara təcavüz edən şəxsləri ömürlük həbs cəzası gözləyir? - AÇIQLAMA

Tez-tez eşidilən xəbərlərdən biri də azyaşlıların təcavüzə məruz qalmasıdır . Atası, qohumu, tanışı, atalığı və s, tərəfindən. Bəs, həmin insanlar üçün edam cəzası yenidən bərpa oluna bilərmi? Ya da o şəxslərə ömürlük həbs cəzası verilməli deyilmi?

Mövzu ilə bağlı Sonxeber.az-a sosioloq Üzeyir Şəfiyev danışıb.

O, açıqlamasında qeyd etdi ki, bu cür ağır cəzaları adekvat hesab etmir:

"Uşağlara qarşı olan zorkaılıq həm də məişət zorakılığının tərkib hissəsidir. Azərbaycanda bildiyimiz kimi məişət zorakılığı haqqında qanun qəbul olunub və 2010-cu ildən fəaliyyət göstərir. Orada aydın və birmənalı şəkildə uşaqlara qarşı zorakılığın bütün formaları pislənilir və bunlarla bağlı hüquqi məsuliyyətlər nəzərdə tutulur. Azərbaycan həm də öz qanunlarını beynəlxalq konvensiyalara uyğun şəkildə hazırlayır. Azərbaycan uşaq hüquqları haqqında beynəlxalq konvensiyanı da qəbul etmişdir. Həmin konvensiyada da uşaqların hüquqları, onların təhlükəsiz, şərəfli və layiqli ailə mühitində böyüdülməsi təşviq olunur.
Cinayət məcəlləsinin 132-ci maddəsində uşaqların zorakılığa məruz qalması ilə bağlı hüquqi məsuliyyət nəzərdə tutulub. Bu səbəbdən də sizin təklif etdiyiniz daha ağır cəzaları isə mən adekvat hesab etmirəm. Çünki, həmin cəzalar Azərbaycanda yoxdur.
Əgər uşaq qaynar xəttləri funksional şəkildə fəaliyyət göstərərsə, onların zorakılığa məruz qalması ilə bağlı həm uşaqların özü, həm də şahidləri, cəmiyyət bəlli ünvanlara müraciətlər edərlərsə hesab edirəm ki, məhz məişət və uşaqlara qarşı zorakılığın bütün formalarının statistikası xeyli sayda azala bilər. Düşünürəm ki, biz bunun üçün həm də sosial işçilərin akreditasiyası və onların fəaliyyətinin tənzimləyən qanun qəbul etməliyik. Məsələn, başqa ölkələrdə uşaqlara qarşı zorakılığı müşahidə edən sosial işçilər dərhal həmin hadisəyə müdaxilə edir. Hesab edirəm ki, belə analoji qanunlar Azərbaycanda da qəbul olunmalıdı".

Vüsalə İbrahimli

Telegramda izləyin